Halyqaralyq futbol federasiiasynyŋ prezidentı Djanni İnfantino elımızge sapary barysynda Qazaqstanda älem chempionaty ötuı mümkın ekenın aitty, dep habarlaidy “Adyrna” ūlttyq portaly.
Ol Astanada qyzdar arasyndaǧy ūlttyq liganyŋ aşylu saltanatynda elımızge sporttyq infraqūrylymǧa köbırek aqşa salyp, qazırgı zaman talabyna sai alaŋdar men jabyq stadiondar salu kerektıgın atap öttı. Sonymen bırge İnfantino elımızdıŋ älem chempionatyn ötkızu mümkındıgıne qatysty da pıkırın bıldırdı.
“Ortalyq Aziia elderınde, onyŋ ışınde Qazaqstanda jastar arasyndaǧy nemese odan kışı jastaǧy toptar arasyndaǧy älem chempigonatyn ötkızuge bolady. Ol üşın, ärine, köp jūmys atqaryluy kerek. Eger Qazaqstanda jastar nemese jasöspırımder arasynda älemdık doda ūiymdastyrylatyn bolsa, būl mäselenı keŋırek talqylaimyz”, – dedı ol.Aita keteiık, FİFA prezidentı Djanni İnfantino elımızge Qazaqstan futbol federasiiasynyŋ prezidentı Ädılet Barmenqūlovtyŋ arnaiy şaqyruymen kelgen bolatyn.
Ūqsas jaŋalyqtar
