2026 jyldyŋ bırınşı toqsanynda 1 260 Qytai azamaty Qazaqstanǧa köşıp kelgen. Būl körsetkış ötken jyldyŋ säikes kezeŋımen salystyrǧanda şamamen üş ese ösken, dep habarlaidy «Adyrna» tılşısı Data Hub-qa sılteme jasap.
Sarapşylardyŋ mälımetınşe, Qytaidan keletın köşı-qon deŋgeiı qaŋtar–nauryz aralyǧynda soŋǧy 9 jylda alǧaş ret osyndai joǧary deŋgeige jetken. Alaida är jyldardaǧy alǧaşqy toqsandarda köşı-qon dinamikasy aitarlyqtai qūbylyp otyrǧan. Kei jyldary kürt össe, kei jyldary tömendegen. Mysaly, 2024 jyly Qytaidan kelgender sany qaŋtar–nauryzda 98 adamnan 750 adamǧa deiın, iaǧni şamamen segız ese artqan.
«Soŋǧy ekı jyldaǧy joǧary körsetkışter köşı-qon belsendılıgınıŋ jandana bastaǧanyn körsetuı mümkın. Al 2026 jyldyŋ basyndaǧy küştı nätije būl ürdıstıŋ jalǧasyp jatqanyn bıldıredı», — delıngen habarlamada.
Qazırgı uaqytta Qytai Qazaqstanǧa tūraqty tūruǧa köşken azamattar sany boiynşa üşınşı orynda tūr. Ekınşı orynǧa Resei taban tıredı. Biyl 1 265 adam köşıp kelgen, būl ötken jylmen salystyrǧanda 29%-ǧa köp.
Bırınşı oryndy Özbekstan saqtap otyr. Biyl Qazaqstanǧa 2 275 adam qonys audarǧan, alaida būl körsetkış ötken jylmen salystyrǧanda 13% tömen.
Sarapşylardyŋ aituynşa, Qytaidan Qazaqstanǧa köşıp kelgenderdıŋ 99,5%-y – etnikalyq qazaqtar. Olar köbıne Astana, Almaty, Jetısu jäne Almaty oblystaryn qonystanu aimaǧy retınde taŋdaidy. Sondai-aq mamandar köşı-qon statistikasyna tūraqty tūrǧylyqty jerın özgertıp tırkelgen şeteldıkter men azamattyǧy joq adamdar engızıletının naqtylaǧan.
