2023 jylǧy 1 mamyrdaǧy jaǧdai boiynşa jergılıktı atqaruşy organdardyŋ rūqsatymen Qazaqstan aumaǧynda 15 129 şetel azamaty eŋbek etedı. Būl turaly Eŋbek jäne halyqty äleumettık qorǧau ministrlıgı aitty, dep habarlaidy «Adyrna» tılşısı.
Basqarmanyŋ mälımdeuınşe, eŋbek migranttary keletın negızgı elderdıŋ qatarynda Qytai, Özbekstan, Ündıstan jäne Türkiia bar.
«Şetel jūmys küşın tartuǧa rūqsattardyŋ arasynda mynadai sanattar bar: basşylar men olardyŋ orynbasarlary üşın 583 rūqsat (bırınşı sanat), qūrylymdyq bölımşelerdıŋ basşylary üşın 2 993 rūqsat (ekınşı sanat). Tartylǧan şetel jūmys küşınıŋ negızgı bölıgı üşınşı (mamandar) jäne törtınşı (bılıktı jūmysşylar) sanattarǧa jatady – tiısınşe olar 7 080 jäne 891 adam. Sondai-aq mausymdyq jūmystarǧa 1 717 adam, al korporativtık auystyru aiasynda 1 865 adam tartyldy»,—delıngen habarlamada.