Foto: Qorǧanys ministrlıgınıŋ baspasöz qyzmetı
Qazaqstan aldaǧy künderı Reseige äskeri tehnika men sarbazdaryn jıberedı. Būl turaly Qorǧanys ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly QazTAG agenttıgıne sıltep.
«24 qyrküiek pen 3 qazan aralyǧynda Resei Federasiiasynyŋ aumaǧynda ŪQŞŪ-nyŋ «Özara ıs-qimyl – 2026», «Izdeu – 2026» jäne «Eşelon – 2026» oqu-jattyǧularyn ötkızu josparlanǧan. Oqu-jattyǧulardy daiyndau jäne ötkızu aiasynda 21 qyrküiek pen 5 qazan aralyǧynda äskeri tehnika men jeke qūramdy temırjol kölıgımen Qazaqstan Respublikasynyŋ aumaǧy arqyly Reseidıŋ Cheliabı oblysyndaǧy Misiaş stansiiasyna deiın jäne kerı qarai josparly türde tasymaldau jüzege asyrylady», – dep habarlady düisenbı künı Qazaqstan Respublikasy Qorǧanys ministrlıgınıŋ baspasöz qyzmetı.
Ministrlıktıŋ mälımetınşe, oqu-jattyǧular barysynda dalalyq sabaqtar ötkızılıp, äskerlerdı qaita toptastyru, bölımşelerdı basqaru jäne qoiylǧan mındetterdı oryndau mäselelerı pysyqtalady.
«Is-şaralar ŪQŞŪ-ǧa müşe memleketterdıŋ jauyngerlık daiarlyǧynyŋ bekıtılgen josparlaryna säikes jürgızıledı. «Özara ıs-qimyl – 2026», «Izdeu – 2026» jäne «Eşelon – 2026» oqu-jattyǧulary tūraqty negızde ötkızılıp, Ūiymǧa müşe memleketterdıŋ aumaǧynda kezektesıp ūiymdastyrylady», – dep tolyqtyrdy Qorǧanys ministrlıgı.
