Qazaqstan körşıles Reseimen bırge +7 telefon kodyn bırlesıp paidalanu turaly kelısım jobasyn maqūldady, dep habarlaidy "Adyrna" ūlttyq portaly QazTAG-qa sıltep.
«Qazaqstan Respublikasynyŋ Ükımetı men Resei Federasiiasynyŋ Ükımetı arasyndaǧy 7-nömır aimaǧyn bırlesıp paidalanu turaly kelısım jobasyn bekıtsın», - delıngen Qazaqstan ükımetınıŋ qaulysynda.Būl qūjatqa säikes, tek Reseige kelesı kod diapazondary bekıtılmek: 200 – 299, 300 – 399, 400 – 499, 500 – 599, 810 - 818, 820 - 821, 831, 833 - 836, 840- 848, 850 - 851, 855 - 857, 860 - 863, 865 - 867, 869 jäne 871 - 873, 877- 880, 900 – 999. Al Qazaqstanǧa tek kelesı kod diapazondary bekıtılmek: 000 – 099, 600 – 699 jäne 700 – 799. Qazaqstan men Reseige bırlesıp paidalanu üşın bekıtıletın kod diapazondary mynalar: 100 – 199, 800 – 809 jäne 881 – 899.
«Kod diapazondary bırlesıp paidalanylǧan jaǧdaida taraptar: 1) bırlesıp paidalanylatyn kod diapazondarynda kodtardy öz elderınıŋ zaŋnamasyna säikes derbes taǧaiyndaidy; 2) atalǧan kod diapazondaryndaǧy nömırlerdı tek öz memleketterınıŋ telefon bailanysy jelılerınde paidalanady. Bölınbegen kod resurstary (26 kod - 819, 822 - 829, 830, 832, 837 - 839, 849, 852 - 854, 858 - 859, 864, 868, 870, 874 - 876) jalpy rezervte bekıtıledı. Rezervten şyǧaru jäne keiıngı bölu taraptardyŋ özara kelısımı boiynşa jüzege asyrylady jäne Qazaqstan Respublikasynyŋ Ükımetı men Resei Federasiiasynyŋ Ükımetı arasyndaǧy 7-nömır aimaǧyn bırlesıp paidalanu turaly kelısımge jeke hattamalar arqyly resımdeledı, olar osy kelısımnıŋ ajyramas bölıkterı bolyp tabylady», - delıngen qūjattyŋ eskertpesınde.
Ūqsas jaŋalyqtar
