21 qaraşada Resei prezidentı Vladimir Putin AQŞ-tyŋ josparyna qatysty tüsınıkteme berdı, dep habarlaidy "Adyrna" ūlttyq portaly.
Putinnıŋ aituynşa, qazırgı küngı jospar Ankoridj kezdesuınen būryn talqylanǧan.
«Aliaskadaǧy kezdesuden keiın amerikalyq taraptan belgılı bır üzılıs boldy. Būl, bız bılemız, Ukraina tarapynan Tramp prezident ūsynǧan beibıt jospardan bas tartuymen bailanysty. Sol sebeptı jaŋa, 28 tarmaqtan tūratyn modernizirlengen jospar paida boldy», — dedı Vladimir Putin.
Prezident jospar mätınınıŋ Reseide bar ekenın, bıraq naqty talqylaularǧa älı kırmegenın jetkızdı. Onyŋ pıkırınşe, būl AQŞ äkımşılıgıne ukraindyq taraptyŋ kelısımın älı ala almauymen bailanysty.
«Ukraina qarsy», — dep atap öttı Resei prezidentı.
Sondai-aq, ol Resei beibıt kelıssözderge daiyn ekenın jäne mäselelerdı kelıssöz arqyly şeşuge niettı ekenın aitty.
AQŞ-taǧy jaǧdaiǧa toqtalsaq, Donald Tramp jurnalisterge soŋǧy ūsynystyŋ Ukrainaǧa arnalǧany ma degen sūraqqa «joq» dep jauap berdı. Ol beibıtşılıkke qol jetkızgısı keletının jäne būl şeşım būryn qabyldanuy kerek bolǧanyn aitty. Tramp 27 qaraşany Ukraina kelısuı üşın «tiıstı uaqyt» dep atady.
Reuters jäne Washington Post mälımetıne säikes, eger Ukraina ūsynystan bas tartsa, Vaşington qaru jetkızudı toqtatu jäne barlau aqparatyn bermeu arqyly qysym körsetuı mümkın. Būl ukraindyq tarapty aldaǧy Dästürlı alǧys künıne deiın kelısımge keluge mäjbür etedı dep habarlandy.
Reuters aqparatynşa, Ukraina prezidentı Vladimir Zelenskii jospary turaly pıkır bıldırıp, Kiev «öte kürdelı taŋdau aldynda» boluy mümkın ekenın atap öttı.
«28 tarmaqtyq ūsynysty qabyldau nemese abyroi men negızgı serıktestıgın joǧaltu qaupı», - delıngen aqparatta.
