الماتى قالاسىنىڭ تۇركسىب اۋدانىندا جانجال بارىسىندا ەر ادامعا وق اتىلىپ، ول اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
وقيعاعا قاتىستى قىلمىستىق ءىس قوزعالدى.
الماتى قالالىق پد مالىمەتىنشە، جانجالعا قاتىسقان ەكى تانىستىڭ اراسىندا كەلىسپەۋشىلىك كۇندىز قالانىڭ تومەنگى بولىگىندەگى ءدامحانالاردىڭ ءبىرىنىڭ ماڭىندا باستالعان. ءبىراز ۋاقىتتان كەيىن ولاردىڭ ءبىرى تانىسىنىڭ ۇيىنە بارعان. ءۇي ماڭىندا بولعان كەزەكتى ءسوز تالاسى كەزىندە ءۇي يەسى اڭشىلىق مىلتىق الىپ شىعىپ، كەلگەن ازاماتقا وق اتقان. سالدارىنان 31 جاستاعى ەر ادام وق جاراقاتىن الىپ، شۇعىل تۇردە اۋرۋحاناعا جەتكىزىلدى.
كۇدىكتى وقيعا بولعاننان كەيىن كوپ ۇزاماي ۇستالدى. اتالعان دەرەك بويىنشا ادام ولتىرۋگە وقتالۋ فاكتىسىمەن قىلمىستىق ءىس قوزعالدى.
قازىر وقيعانىڭ بارلىق ءمان-جايى انىقتالىپ جاتىر. سونداي-اق تاركىلەنگەن اڭشىلىق مىلتىقتىڭ شىعۋ تەگى مەن ونى ساقتاۋدىڭ زاڭدىلىعى تەكسەرىلۋدە.
