شىعىس قازاقستان وبلىسىنىڭ اكىمى نۇرىمبەت ساقتاعانوۆ وڭىردەگى ءىرى كاسىپورىن باسشىلارىن زاماناۋي تۋريستىك ينفراقۇرىلىمدى دامىتۋعا بەلسەندى اتسالىسۋعا شاقىرىپ، ەڭ الدىمەن ءوز قىزمەتكەرلەرى مەن ولاردىڭ وتباسىلارىنا ارنالعان دەمالىس بازالارى مەن ساۋىقتىرۋ كەشەندەرىن سالۋعا ەرەكشە نازار اۋدارۋعا ۇندەدى.
ونىڭ ايتۋىنشا، بۇل ءتاسىل ەڭبەك ۇجىمدارىنىڭ ساپالى دەمالىسىن قامتاماسىز ەتىپ قانا قويماي، بىرەگەي تابيعي اۋماقتارعا تۇسەتىن جۇكتەمەنى ازايتىپ، ولاردىڭ رەتسىز ءارى بەيبەرەكەت قۇرىلىسقا ۇشىراۋىنىڭ الدىن الادى.
– ءبىز شىعىس قازاقستاننىڭ بىرەگەي تابيعاتىن كەلەر ۇرپاق ءۇشىن ساقتاپ قالۋىمىز كەرەك. كورىكتى جەرلەردى بەيبەرەكەت سالۋدىڭ ورنىنا ەكولوگيالىق تالاپتارعا ساي، تۇرعىنداردىڭ مۇددەسىنە جاۋاپ بەرەتىن زاماناۋي ينفراقۇرىلىمى بار جۇيەلى جوبالاردى جۇزەگە اسىرۋ قاجەت. الەۋمەتتىك جاۋاپكەرشىلىگى جوعارى بيزنەس ءوز قىزمەتكەرلەرىنە ارنالعان ساپالى دەمالىس بازالارىن سالىپ، حالىقتىڭ ءال-اۋقاتىن ارتتىرۋعا ءارى ءوڭىردىڭ تۇراقتى دامۋىنا ۇلەس قوسا الادى، – دەپ اتاپ ءوتتى وبلىس اكىمى.
