ەنەرگەتيكا مينيسترلىگى قارا تەڭىزدەگى كاسپي قۇبىر كونسورتسيۋمى تەرمينالى ماڭىندا Nordic Zenith تانكەرىنە درونمەن جاسالعان شابۋىلعا قاتىستى پىكىر ءبىلدىردى، دەپ حابارلايدى "ادىرنا" ءتىلشىسى.
ۆەدومستۆونىڭ مالىمەتىنشە، 17 شىلدە كۇنى ۇشقىشسىز ۇشۋ اپپاراتى پورتقا قازاقستاندىق مۇنايدى تيەۋگە بەت العان تانكەرگە شابۋىل جاساعان. دەگەنمەن، تانكەر درون سوققىسى جاسالعان ساتتە بوس بولعان.
«كەمە ەكيپاجى ءورتتى ءوز كۇشىمەن جەدەل ءسوندىردى. زارداپ شەككەندەر جوق. قازاقستان مۇنايىنا قاۋىپ ءتونىپ تۇرعان جوق»، – دەلىنگەن مينيسترلىك حابارلاماسىندا.
سونداي-اق مينيسترلىك كاسپي قۇبىر كونسورتسيۋمىنىڭ تەحنولوگيالىق ينفراقۇرىلىمى شتاتتىق رەجيمدە جۇمىس ىستەپ تۇرعانىن حابارلادى.
«كاسپي قۇبىر كونسورتسيۋمى جۇك تيەۋ جۇمىستارىن جوسپارعا سايكەس جالعاستىرىپ، مۇنايدى تانكەرلەرگە تيەپ جاتىر»، – دەپ اتاپ ءوتتى ۆەدومستۆو.
ايتا كەتەيىك، كاسپي قۇبىر كونسورتسيۋمىنا بۇعان دەيىن شابۋىل جاسالعان
