سالتانات نۇكەنوۆانىڭ ءولىمىن جاسىرعانى ءۇشىن 4 جىلعا سوتتالعان باقىتجان بايجانوۆ راقىمشىلىققا ءىلىنىپ، جاقىن كۇندەرى بوستاندىققا شىعادى. بۇل اقپاراتتى ونىڭ قورعاۋشىسى عازيز ىنتىقباەۆ راستادى، دەپ حابارلايدى “ادىرنا”.
ونىڭ ايتۋىنشا، بۇگىن، 2026 جىلعى 22 شىلدەدە وتكەن سوت وتىرىسىندا باقىتجان بايجانوۆقا راقىمشىلىق جاساۋ تۋرالى اكت قولدانىلىپ، ونى دەرەۋ بوساتۋ تۋرالى قاۋلى شىعارىلعان.
"جازانىڭ وتەلمەگەن بولىگى ءۇش ايدان ءسال عانا اساتىن. بۇگىن باقىتجان وتباسىنا ورالادى", – دەدى عازيز ىنتىقباەۆ.
ەسكە سالساق، باقىتجان بايجانوۆ بۇرىنعى ۇلتتىق ەكونوميكا ءمينيسترى قۋاندىق بيشىمباەۆقا قاتىستى ءىس بويىنشا سالتانات نۇكەنوۆانىڭ ءولىمىن جاسىرۋ ايىبىمەن سوتتالعان بولاتىن. 2024 جىلعى مامىردا سوت ونى كىنالى دەپ تانىپ، ءتورت جىلعا باس بوستاندىعىنان ايىرعان ەدى.
ال 2025 جىلعى تامىزدا كونستيتۋتسيانىڭ 30 جىلدىعىنا وراي قابىلدانعان راقىمشىلىق تۋرالى زاڭ نەگىزىندە ونىڭ جازاسىنىڭ وتەلمەگەن بولىگى ۇشتەن بىرىنە قىسقارتىلدى. سونىڭ ناتيجەسىندە تۇپكىلىكتى جازا مەرزىمى 1 جىل 4 اي 17 كۇن بولىپ بەلگىلەنگەن ەدى.
