فوتو: قر ۇكىمەتىنىڭ ءباسپاسوز قىزمەتى
اقتاۋدا قازاقستان مەن وزبەكستان ءوڭىر باسشىلارى كەڭەسىنىڭ العاشقى وتىرىسى ءوتتى. بۇل تۋرالى پرەمەر-ءمينيستردىڭ رەسمي اقپاراتتىق رەسۋرسى جاريالادى، دەپ حابارلايدى "ادىرنا".
كەزدەسۋدىڭ باستى ناتيجەسى – ەكى ەلدىڭ وبلىستارى اراسىندا مەموراندۋمدار مەن جالپى قۇنى 80 ملرد تەڭگەدەن اساتىن كوممەرتسيالىق قۇجاتتاردىڭ جاسالۋى.
جيىنعا قازاقستان پرەمەر-ءمينيسترى ولجاس بەكتەنوۆ پەن وزبەكستان پرەمەر-ءمينيسترى ابدۋللا اريپوۆ قاتىستى. سونىمەن قاتار ەكى ەلدىڭ ءوڭىر باسشىلارى جانە 300-دەن استام كاسىپكەر باس قوستى. جاڭا كەڭەس قازاقستان مەن وزبەكستان پرەزيدەنتتەرىنىڭ بىرلەسكەن شەشىمىمەن قۇرىلعان.
ولجاس بەكتەنوۆ وڭىرلەر اراسىنداعى تىكەلەي بايلانىستى كۇشەيتۋ ەكى ەلدىڭ ساۋداسى مەن ينۆەستيتسيالىق ىنتىماقتاستىعىن كەڭەيتۋگە مۇمكىندىك بەرەتىنىن ايتتى. قازاقستان مەن وزبەكستان الداعى ۋاقىتتا ءوزارا ساۋدا كولەمىن 10 ملرد دوللارعا جەتكىزۋدى جوسپارلاپ وتىر.
كەزدەسۋدە ونەركاسىپتىك كووپەراتسيا، شەكارا ماڭىنداعى ساۋدا، كولىك جانە لوگيستيكا ماسەلەلەرىنە ەرەكشە نازار اۋدارىلدى. تاراپتار «ورتالىق ازيا» حالىقارالىق ونەركاسىپتىك كووپەراتسيا ورتالىعىن تولىق ىسكە قوسىپ، ونى بىرلەسكەن وندىرىستىك جوبالارمەن تولتىرۋ قاجەت ەكەنىن اتاپ ءوتتى.
اقتاۋ مەن قۇرىق پورتتارىنىڭ ءرولى دە ءسوز بولدى. 2025 جىلى وسى ەكى پورت ارقىلى 8 ملن توننا جۇكاۋىستىرىپ تيەلگەن. ال 2026 جىلدىڭ العاشقى جارتىسىندا قازاقستان پورتتارى ارقىلى كونتەينەر تاسىمالى 5%-عا ءوسىپ، 50 مىڭ كونتەينەرلىك بالاماداناسقان.
جاسالعان كەلىسىمدەر ەكى ەلدىڭ شەكارالاس وڭىرلەرىندەگى ساۋدانى جانداندىرىپ، جاڭا بىرلەسكەن كاسىپورىندار مەن لوگيستيكالىق جوبالاردى ىسكە قوسۋعا باعىتتالعان. الايدا ۇكىمەتتىڭ رەسمي حابارلاماسىندا 80 ملرد تەڭگەلىك كەلىسىمدەرگە كىرگەن ناقتى جوبالاردىڭ تولىق ءتىزىمى ازىرگە جاريالانبادى.
