پرەزيدەنت قاسىم-جومارت توقاەۆ ەندريۋ بەرنەمدى ۇلىبريتانيا جانە سولتۇستىك يرلانديا بىرىككەن كورولدىگىنىڭ پرەمەر-ءمينيسترى قىزمەتىنە كىرىسۋىمەن قۇتتىقتادى. بۇل تۋرالى بۇگىن، 27 شىلدەدە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
مەملەكەت باسشىسى قۇتتىقتاۋ جەدەلحاتىندا قازاقستان مەن ۇلىبريتانيا اراسىنداعى قارىم-قاتىناس دەڭگەيى جوعارى ەكەنىن اتاپ ءوتىپ، ەكى ەل حالىقتارىنىڭ مۇددەسى ءۇشىن ساياسي ديالوگتى، ساۋدا-ەكونوميكالىق جانە ينۆەستيتسيالىق ىنتىماقتاستىقتى ودان ءارى نىعايتۋ باعىتىندا بىرلەسە جۇمىس ىستەۋگە دايىن ەكەنىن راستادى.
قاسىم-جومارت توقاەۆ ەندريۋ بەرنەمنىڭ جاۋاپتى مەملەكەتتىك قىزمەتىنە تابىس، دوستاس بىرىككەن كورولدىك حالقىنا باق-بەرەكە تىلەدى.
ەسكە سالايىق، ۇلىبريتانيا ءوزىنىڭ پرەمەر-ءمينيسترىن سوڭعى 10 جىلدا 7-ءشى رەت اۋىستىرعان ەدى. 21 شىلدەدە ەندي بەرنەم قىزمەتىنە رەسمي كىرىسىپ، جاڭا ۇكىمەت قۇرامىن جاساقتاعان بولاتىن.
