تيمۋر قۇلىباەۆتىڭ Halyk قايىرىمدىلىق قورى استانادا وتەتىن «بولاشاق ويىندارى – 2026» حالىقارالىق مۋلتيسپورتتىق ءتۋرنيرى اياسىنداعى فيدجيتال-باسكەتبول جارىسىن قولدايدى. ءتۋرنيردىڭ رەسمي باعدارلاماسىندا بۇل باعىت Phygital Basketball presented by Halyk Fund اتاۋىمەن ۇسىنىلعان.
فيدجيتال-باسكەتبول باسەكەلەرى 29 شىلدە مەن 3 تامىز ارالىعىندا «Qazaqstan» جەڭىل اتلەتيكا سپورت كەشەنىندە وتەدى. جارىسقا 16 كوماندا قاتىسادى. قازاقستان اتىنان GTB KZ جانە PBC Astana ونەر كورسەتەدى. ولاردىڭ قارسىلاستارىنىڭ قاتارىندا Boca Juniors پەن Valencia Basket سەكىلدى حالىقارالىق كلۋبتار بار.
فيدجيتال-باسكەتبول تسيفرلىق جانە ءداستۇرلى سپورتتى ءبىر جارىس اياسىندا توعىستىرادى. ءار ماتچ تسيفرلىق كەزەڭنەن جانە ناقتى الاڭداعى فيزيكالىق كەزەڭنەن تۇرادى. كوماندالار الدىمەن باسكەتبول سيمۋلياتورىندا 2×2 فورماتىندا ويناپ، كەيىن باسەكەنى ناقتى الاڭدا 2×2 فورماتىندا جالعاستىرادى. قورىتىندى ناتيجە ەكى كەزەڭدە جينالعان ۇپايلاردىڭ قوسىندىسى بويىنشا انىقتالادى.
بۇل باستاما Halyk قورىنىڭ قازاقستانداعى كيبەرسپورتتى جۇيەلى تۇردە قولداۋ جۇمىسىنىڭ جالعاسى. 2025 جىلى قور Almaty Cyber Games Media & Cup جانە Almaty Cyber Games International تۋرنيرلەرىنىڭ باس سەرىكتەسى رەتىندە قولداۋ كورسەتتى. 2026 جىلى NNEF قوعامدىق قورىمەن بىرلەسىپ Qazaqstan Cyber Games Students League ستۋدەنتتىك ليگاسىن ۇيىمداستىردى. ليگانىڭ ىرىكتەۋ كەزەڭىنە ەلىمىزدىڭ 100 جوعارى وقۋ ورنىنان 1 500-دەن استام ستۋدەنت قاتىستى. جاستار مەن ستۋدەنتتەرگە ارنالعان جوبالار قۇرامىنا مۋيت (IITU), Astana IT University, قبتۋ، UIB جانە Energo University كىرەتىن University Alliance of Science and Technology اليانسىمەن سەرىكتەستىكتە جۇزەگە اسىرىلادى. Halyk قورى كيبەرسپورتتىق جوبالاردى قارجىلاندىرىپ، سەرىكتەستەرمەن بىرگە ولاردىڭ كاسىبي دەڭگەيدە وتكىزىلۋىنە اتسالىسادى.
«فيدجيتال-باسكەتبولدىڭ ەرەكشەلىگى – تسيفرلىق شەبەرلىك پەن ناقتى سپورتتىق دايىندىقتى ءبىر جارىس اياسىندا ۇشتاستىرۋىندا. مۇندا تەحنولوگيا سپورتتىڭ ورنىن باسپايدى، كەرىسىنشە ونى تولىقتىرادى. قازاقستاندىق كوماندالاردىڭ ءوز الاڭىندا حالىقارالىق كلۋبتارمەن باسەكەگە ءتۇسۋى وتاندىق سپورتتا جاڭا فورماتتاردىڭ دامۋىنا سەرپىن بەرەدى»، – دەدى Halyk قايىرىمدىلىق قورىنىڭ باس ديرەكتورى ساعىنبەك شۇڭكەەۆ.
«بولاشاق ويىندارى – 2026» ءتۋرنيرى استانادا 29 شىلدە مەن 9 تامىز ارالىعىندا وتەدى. 50-دەن استام ەلدەن كەلگەن 800-دەن استام قاتىسۋشى سەگىز باعىت بويىنشا باق سىنايدى. تۋرنير ءداستۇرلى سپورت، كيبەرسپورت جانە زاماناۋي تەحنولوگيالاردى ءبىر الاڭدا توعىستىرادى.
Halyk قورى تۋرالى
Halyk قايىرىمدىلىق قورىن تيمۋر جانە دينارا قۇلىباەۆتار 2016 جىلى قۇرعان. قور ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، سپورت، مادەنيەت، ەكولوگيا جانە ينفراقۇرىلىم باعىتتارىنداعى الەۋمەتتىك ماڭىزى بار باستامالاردى جۇيەلى تۇردە قولدايدى. قۇرىلعان كۇننەن بەرى قور 214-تەن استام جوبانى جۇزەگە اسىردى جانە 90,4 ملرد تەڭگەدەن استام قايىرىمدىلىق كومەك كورسەتتى.
