Timur Qūlybaevtyŋ Halyk qaiyrymdylyq qory Astanada ötetın «Bolaşaq oiyndary – 2026» halyqaralyq multisporttyq turnirı aiasyndaǧy fidjital-basketbol jarysyn qoldaidy. Turnirdıŋ resmi baǧdarlamasynda būl baǧyt Phygital Basketball presented by Halyk Fund atauymen ūsynylǧan.
Fidjital-basketbol bäsekelerı 29 şılde men 3 tamyz aralyǧynda «Qazaqstan» jeŋıl atletika sport keşenınde ötedı. Jarysqa 16 komanda qatysady. Qazaqstan atynan GTB KZ jäne PBC Astana öner körsetedı. Olardyŋ qarsylastarynyŋ qatarynda Boca Juniors pen Valencia Basket sekıldı halyqaralyq klubtar bar.
Fidjital-basketbol sifrlyq jäne dästürlı sportty bır jarys aiasynda toǧystyrady. Är match sifrlyq kezeŋnen jäne naqty alaŋdaǧy fizikalyq kezeŋnen tūrady. Komandalar aldymen basketbol simuliatorynda 2×2 formatynda oinap, keiın bäsekenı naqty alaŋda 2×2 formatynda jalǧastyrady. Qorytyndy nätije ekı kezeŋde jinalǧan ūpailardyŋ qosyndysy boiynşa anyqtalady.
Būl bastama Halyk qorynyŋ Qazaqstandaǧy kibersportty jüielı türde qoldau jūmysynyŋ jalǧasy. 2025 jyly qor Almaty Cyber Games Media & Cup jäne Almaty Cyber Games International turnirlerınıŋ bas serıktesı retınde qoldau körsettı. 2026 jyly NNEF qoǧamdyq qorymen bırlesıp Qazaqstan Cyber Games Students League studenttık ligasyn ūiymdastyrdy. Liganyŋ ırıkteu kezeŋıne elımızdıŋ 100 joǧary oqu ornynan 1 500-den astam student qatysty. Jastar men studentterge arnalǧan jobalar qūramyna MUİT (IITU), Astana IT University, QBTU, UIB jäne Energo University kıretın University Alliance of Science and Technology aliansymen serıktestıkte jüzege asyrylady. Halyk qory kibersporttyq jobalardy qarjylandyryp, serıktestermen bırge olardyŋ käsıbi deŋgeide ötkızıluıne atsalysady.
«Fidjital-basketboldyŋ erekşelıgı – sifrlyq şeberlık pen naqty sporttyq daiyndyqty bır jarys aiasynda ūştastyruynda. Mūnda tehnologiia sporttyŋ ornyn baspaidy, kerısınşe ony tolyqtyrady. Qazaqstandyq komandalardyŋ öz alaŋynda halyqaralyq klubtarmen bäsekege tüsuı otandyq sportta jaŋa formattardyŋ damuyna serpın beredı», – dedı Halyk qaiyrymdylyq qorynyŋ bas direktory Saǧynbek Şüŋkeev.
«Bolaşaq oiyndary – 2026» turnirı Astanada 29 şılde men 9 tamyz aralyǧynda ötedı. 50-den astam elden kelgen 800-den astam qatysuşy segız baǧyt boiynşa baq synaidy. Turnir dästürlı sport, kibersport jäne zamanaui tehnologiialardy bır alaŋda toǧystyrady.
Halyk qory turaly
Halyk qaiyrymdylyq qoryn Timur jäne Dinara Qūlybaevtar 2016 jyly qūrǧan. Qor bılım beru, densaulyq saqtau, äleumettık qorǧau, sport, mädeniet, ekologiia jäne infraqūrylym baǧyttaryndaǧy äleumettık maŋyzy bar bastamalardy jüielı türde qoldaidy. Qūrylǧan künnen berı qor 214-ten astam jobany jüzege asyrdy jäne 90,4 mlrd teŋgeden astam qaiyrymdylyq kömek körsettı.
