قىزمەتتىك مىندەتىن اتقارۋ كەزىندە قازا تاپقان فەلدشەر ۇلدانا مىرزۋاننىڭ جۇبايىنىڭ قايتا شاڭىراق كوتەرگەنى جەلى قولدانۋشىلارى اراسىندا قىزۋ تالقىلاندى، دەپ حابارلايدى “ادىرنا” ءتىلشىسى Stan.kz-كە سىلتەپ.
2025 جىلدىڭ 8 قاراشاسىندا جەدەل جاردەم شاقىرتۋىنا بارا جاتقان فەلدشەر ۇلدانا مىرزۋاننىڭ ۇستىنە كوپقاباتتى تۇرعىن ۇيدەن كونديتسيونەر قۇلاپ، ول اۋىر جاراقات سالدارىنان كوز جۇمعان بولاتىن. قايعىلى وقيعادان كەيىن مارقۇمنىڭ جۇبايى الەۋمەتتىك جەلىدە جارىنا ارنالعان اسەرلى جازبالار جاريالاپ، ونىڭ قازاسىنا بايلانىستى قايعىسىن بولىسكەن ەدى.
ارادا سەگىز اي وتكەن سوڭ ونىڭ قايتا ۇيلەنگەنى تۋرالى اقپارات تارادى. بۇل جاڭالىق الەۋمەتتىك جەلى قولدانۋشىلارى اراسىندا ءتۇرلى پىكىر تۋعىزدى. بىرقاتار وقىرمان مارقۇمنىڭ جىلدىق اسى وتپەي جاتىپ قايتا وتاۋ قۇرعانىنا تاڭدانىسىن بىلدىرسە، ەندى ءبىرى ازاماتتىڭ جەكە ومىرىنە قۇرمەتپەن قاراۋ قاجەتتىگىن ايتتى.
سونىمەن قاتار الەۋمەتتىك جەلىلەردە دارىگەردىڭ جاڭا جارى تۋرالى ءتۇرلى اقپارات تاراۋدا. الايدا بۇل مالىمەتتەر رەسمي تۇردە راستالماعان.
ونىڭ ەكىنشى رەت ۇيلەنگەن بەينەسىن قىز ۇزاتۋ تويدى وتكىزگەن تويحانا جاريالاعان.
