استانادا قىزمەت بارىسىندا قازا تاپقان جەدەل جاردەم فەلدشەرى ۇلدانا مىرزۋاننىڭ ولىمىنە قاتىستى قىلمىستىق ءىس بويىنشا سوت وتىرىسى ءوتىپ جاتىر، دەپ حابارلايدى "ادىرنا" ۇلتتىق پورتالى.
سوتتا مەملەكەتتىك ايىپتاۋشى نۇرداۋلەت ءابۋوۆ سوت-مەديتسينالىق ساراپتامانىڭ قورىتىندىسىن جاريالادى.
ساراپتاماعا سايكەس، ۇلدانا مىرزۋان اشىق باس-مي جاراقاتىنان قايتىس بولعان. جاراقات باس سۇيەگىنىڭ بىرنەشە جەردەن سىنۋى، ميعا قان قۇيىلۋ جانە ميدىڭ سوعىلۋىمەن قاتار جۇرگەن.
ماماندار مارقۇمنىڭ سول جاق توبە تۇسىندا سوعىلعان جاراقاتتار، ەكى كوزىنىڭ اينالاسىندا گەماتومالار جانە كوز ۇيالارىنىڭ قابىرعالارى سىنعانىن انىقتاعان. سونىمەن قاتار بەت سۇيەكتەرى مەن باس سۇيەگىنىڭ ماڭداي، توبە جانە ساماي بولىكتەرىندە سىنىقتار بولعان.
ساراپتاما بارىسىندا سۋبدۋرالدى، ەپيدۋرالدى جانە سۋباراحنويدالدى گەماتومالار انىقتالعان. مي ءىسىنىپ، سونىڭ سالدارىنان مي باعانى قۇرىلىمدارى ۇلكەن شۇيدە تەسىگىنە قاراي ىعىسقان.
ساراپشىلار بۇل جاراقاتتاردى دەنساۋلىققا اۋىر زيان كەلتىرەتىن جاراقاتتار دەپ باعالاعان. سونداي-اق باس-مي جاراقاتى مەن فەلدشەردىڭ ءولىمى اراسىندا تىكەلەي سەبەپ-سالدارلىق بايلانىس بار ەكەنى كورسەتىلگەن.
قىلمىستىق ءىس بويىنشا سوت وتىرىستارى جالعاسىپ جاتىر.
