«ادىلەت» پارتياسىنىڭ رەسپۋبليكالىق سايلاۋالدى شتابى مۇشەلەرى اقمولا وبلىسىنا جۇمىس ساپارىمەن بارىپ، كوكشەتاۋداعى «Bolashaq» سارايىندا كاسىپكەرلەرمەن، پەداگوگتەرمەن جانە قوعام وكىلدەرىمەن كەزدەستى. جيىندا قۇرىلتاي دەپۋتاتتىعىنا كانديداتتارمەن بىرگە پارتيا جەتەكشىسى ايبەك دادەباي دا بولدى، دەپ حابارلايدى «ادىرنا».
كەزدەسۋ بارىسىندا وڭىرلەردى دامىتۋعا قاتىستى بىرقاتار ۇسىنىس ورتاعا سالىندى. سونىڭ ىشىندە كاسىپكەر ينديرا نۇرلان ونەركاسىپتى قولداۋعا ارنالعان مەملەكەتتىك باعدارلامالاردى بىرىڭعاي تسيفرلىق پلاتفورماعا بىرىكتىرۋدى ۇسىندى. ونىڭ پىكىرىنشە، ء«بىر تەرەزە» قاعيداتىمەن جۇمىس ىستەيتىن مۇنداي جۇيە ارقىلى كاسىپكەرلەر مەملەكەتتىك قولداۋ تەتىكتەرى تۋرالى تولىق اقپارات الىپ، ءوتىنىم بەرىپ، ونىڭ قارالۋ كەزەڭدەرىن ونلاين باقىلاي الادى.
ءبىلىم بەرۋ ماسەلەسىنە توقتالعان كوللەدج وقىتۋشىسى نۇرجامال وسپانوۆا تسيفرلىق ەكونوميكانىڭ سۇرانىسىنا ساي ماماندار دايارلاۋ ءىسىن مەكتەپ قابىرعاسىنان باستاۋدى ۇسىندى. ونىڭ ايتۋىنشا، وقۋشىلاردىڭ جاساندى ينتەللەكت پەن تسيفرلىق تەحنولوگيالاردى مەڭگەرۋىنە جاعداي جاساپ، ال كوللەدجدەردە روبوتوتەحنيكا مەن تسيفرلىق ينجەنەريا باعىتتارىن كۇشەيتۋ قاجەت.
باسقوسۋعا جيىلعاندار قالالاردى دامىتۋ مەن ەكولوگيا تاقىرىپتارىن دا اينالىپ وتپەدى. ۋربانيست راسيم حاميتوۆ ەلدىمەكەندەردى كوگالداندىرۋ، ەكولوگيالىق مادەنيەتتى قالىپتاستىرۋ جانە تۇرعىندارعا جايلى ورتا قۇرۋعا باعىتتالعان باستامالاردى قولدايتىنىن جەتكىزدى.
ء«بىز پارتيانىڭ ەكولوگيالىق مادەنيەتتى دامىتۋعا باعىتتالعان باستامالارىن قولدايمىز. سونىمەن قاتار مەملەكەت باسشىسىنىڭ «تازا قازاقستان» باستاماسىنا شىنايى العىسىمدى بىلدىرگىم كەلەدى. بۇل باعدارلاما جاي عانا ەكولوگيالىق اكتسيا ەمەس، اۋقىمدى جالپىۇلتتىق قوزعالىسقا اينالدى»، – دەدى راسيم حاميتوۆ.
قۇرىلتاي دەپۋتاتتىعىنا كانديدات راۋان كەنجەحانۇلى پارتيا باعدارلاماسىنداعى ەكولوگيالىق باستامالارعا توقتالدى. باعدارلامادا ەلىمىزدەگى ورمان القاپتارىن 14,5 ميلليون گەكتارعا دەيىن ۇلعايتۋ، سونداي-اق جاڭارتىلاتىن جانە تازا ەنەرگيا كوزدەرىنىڭ ۇلەسىن 2030 جىلعا قاراي كەمىندە 15 پايىزعا، 2050 جىلعا قاراي 50 پايىزعا جەتكىزۋ جوسپارلانعان.
ينجەنەرلىك ينفراقۇرىلىمدى جاڭعىرتۋعا قاتىستى كانديدات يۋليا كۋچينسكايانىڭ ايتارى بار. ونىڭ سوزىنشە، باعدارلامادا جولدار، جىلۋ جانە سۋ جەلىلەرى سياقتى ماڭىزدى ينفراقۇرىلىمداردى جاڭارتۋ بويىنشا ناقتى مىندەتتەر قاراستىرىلعان.
«ەلىمىز بويىنشا 86 مىڭ شاقىرىم ينجەنەرلىك جەلى سالىنىپ، قايتا جاڭعىرتىلادى. بۇل ولاردىڭ ورتاشا توزۋ دەڭگەيىن قاۋىپسىز دەپ سانالاتىن 40 پايىزعا دەيىن تومەندەتۋگە مۇمكىندىك بەرەدى. سونىمەن قاتار 2029 جىلعا دەيىن رەسپۋبليكالىق ماڭىزى بار 10 مىڭ شاقىرىم جول جوندەلىپ، جەرگىلىكتى جانە اۋداندىق جولداردىڭ نورماتيۆتىك تالاپقا ساي ۇلەسى 95 پايىزعا دەيىن جەتكىزىلەدى»، – دەدى يۋليا كۋچينسكايا.
كەزدەسۋدە ونەركاسىپ، تۋريزم جانە تسيفرلىق ەكونوميكا سالالارىنداعى كادر تاپشىلىعى ماسەلەسى دە ءسوز بولدى. قۇرىلتاي دەپۋتاتتىعىنا كانديدات شولپان كارينوۆا ءبىلىم بەرۋ مەن جاستاردى جۇمىسپەن قامتۋ باعىتىنداعى جوسپارلاردى تانىستىردى.
«ادىلەت» پارتياسىنىڭ سايلاۋالدى باعدارلاماسىندا بالاباقشالاردا 79 مىڭنان استام جاڭا ورىن اشۋ، ال مەكتەپتەردە 300 مىڭ وقۋشىعا ارنالعان جاڭا ورىن پايدالانۋعا بەرۋ كوزدەلگەن. كوللەدجدەردە جاستار ەكىنشى جۇمىسشى ماماندىعىن تەگىن مەڭگەرە الادى. جىل سايىن شامامەن 40 مىڭ جاس جۇمىسپەن قامتۋ باعدارلاماسىنا قاتىسادى»، – دەدى ول.
جيىندى قورىتىندىلاعان رەسپۋبليكالىق سايلاۋالدى شتاب وكىلدەرى وڭىرلەردەگى كەزدەسۋلەر بارىسىندا ازاماتتاردىڭ مەملەكەت باسشىسى قولعا العان رەفورمالار مەن كونستيتۋتسيالىق وزگەرىستەردى قولدايتىنى بايقالعانىن ايتتى. سونداي-اق اۋىل شارۋاشىلىعىن دامىتۋعا قاتىستى پارتيانىڭ باستامالارىنا توقتالدى.
«بۇگىندە وڭىرلەردى دامىتۋ مەملەكەت باسشىسىنىڭ نازارىندا. ءبىزدىڭ مىندەتىمىز – ءار ءوڭىردىڭ ەرەكشەلىگىن ەسكەرە وتىرىپ، ولاردىڭ دامۋىن قامتاماسىز ەتۋ، جەرگىلىكتى جەرلەردىڭ وكىلەتتىگىن كەڭەيتۋ جانە ادامنىڭ قاي جەردە تۇراتىنىنا قاراماستان لايىقتى ءومىر سۇرۋىنە جاعداي جاساۋ. وبلىس ورتالىقتارىنا وڭىرلەردىڭ دەربەس ەكونوميكالىق، ءبىلىم بەرۋ جانە الەۋمەتتىك ورتالىقتارى رەتىندە باسىم قولداۋ كورسەتىلەدى. فەرمەرلەر ءۇشىن جەڭىلدەتىلگەن قارجىلاندىرۋعا، ال قايتا وڭدەۋ كاسىپورىندارى ءۇشىن زاماناۋي اگروتەحنولوگيالار مەن ۆەتەرينارلىق قىزمەتتەرگە قولجەتىمدىلىك كەڭەيتىلەدى. بۇل قوسىلعان قۇنى جوعارى اۋىل شارۋاشىلىعى ونىمدەرىن كوبىرەك وندىرۋگە، جاڭا كاسىپورىندار اشۋعا جانە وڭىرلەردە جۇمىس ورىندارىن قۇرۋعا مۇمكىندىك بەرەدى»، – دەدى شتاب مۇشەلەرى.
كەزدەسۋ سوڭىندا تۇرعىنداردان تۇسكەن ۇسىنىستاردىڭ بارلىعى پارتيانىڭ «قۋاتتى وڭىرلەر – قۋاتتى ەل» باعىتى بويىنشا الداعى جۇمىسىنا ەنگىزىلەتىنى ايتىلدى.
ء«بىز وڭىرلەرگە دايىن جاۋاپتارمەن كەلمەيمىز. تىڭداپ، ەستىپ جانە بىرگە شەشىم ىزدەۋ ءۇشىن كەلەمىز. بۇگىن ايتىلعان بارلىق ۇسىنىس پەن ەسكەرتۋ – الداعى جۇمىسىمىزدىڭ باستى باعدارى»، – دەپ تۇيىندەدى ايبەك دادەباي.
ايتا كەتەيىك، رەسپۋبليكالىق سايلاۋالدى شتاب وكىلدەرى وسى اپتا بويى ەلىمىزدىڭ ءتۇرلى وڭىرلەرىندە سايلاۋشىلارمەن كەزدەسۋلەر وتكىزۋدە. بۇعان دەيىن ولار تۇركىستان، ماڭعىستاۋ، اتىراۋ، قاراعاندى جانە ۇلىتاۋ وبلىستارىندا بولدى.
دايىنداعان:
«ادىلەت» پارتياسىنىڭ ءباسپاسوز قىزمەتى. «ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
