«Ädılet» partiiasynyŋ respublikalyq sailaualdy ştaby müşelerı Aqmola oblysyna jūmys saparymen baryp, Kökşetaudaǧy «Bolashaq» saraiynda käsıpkerlermen, pedagogtermen jäne qoǧam ökılderımen kezdestı. Jiynda Qūryltai deputattyǧyna kandidattarmen bırge partiia jetekşısı Aibek Dädebai da boldy, dep habarlaidy «Adyrna».
Kezdesu barysynda öŋırlerdı damytuǧa qatysty bırqatar ūsynys ortaǧa salyndy. Sonyŋ ışınde käsıpker İndira Nūrlan önerkäsıptı qoldauǧa arnalǧan memlekettık baǧdarlamalardy bıryŋǧai sifrlyq platformaǧa bırıktırudı ūsyndy. Onyŋ pıkırınşe, «bır tereze» qaǧidatymen jūmys ısteitın mūndai jüie arqyly käsıpkerler memlekettık qoldau tetıkterı turaly tolyq aqparat alyp, ötınım berıp, onyŋ qaralu kezeŋderın onlain baqylai alady.
Bılım beru mäselesıne toqtalǧan kolledj oqytuşysy Nūrjamal Ospanova sifrlyq ekonomikanyŋ sūranysyna sai mamandar daiarlau ısın mektep qabyrǧasynan bastaudy ūsyndy. Onyŋ aituynşa, oquşylardyŋ jasandy intellekt pen sifrlyq tehnologiialardy meŋgeruıne jaǧdai jasap, al kolledjderde robototehnika men sifrlyq injeneriia baǧyttaryn küşeitu qajet.
Basqosuǧa jiylǧandar qalalardy damytu men ekologiia taqyryptaryn da ainalyp ötpedı. Urbanist Rasim Hamitov eldımekenderdı kögaldandyru, ekologiialyq mädeniettı qalyptastyru jäne tūrǧyndarǧa jaily orta qūruǧa baǧyttalǧan bastamalardy qoldaitynyn jetkızdı.
«Bız partiianyŋ ekologiialyq mädeniettı damytuǧa baǧyttalǧan bastamalaryn qoldaimyz. Sonymen qatar Memleket basşysynyŋ «Taza Qazaqstan» bastamasyna şynaiy alǧysymdy bıldırgım keledı. Būl baǧdarlama jai ǧana ekologiialyq aksiia emes, auqymdy jalpyūlttyq qozǧalysqa ainaldy», – dedı Rasim Hamitov.
Qūryltai deputattyǧyna kandidat Rauan Kenjehanūly partiia baǧdarlamasyndaǧy ekologiialyq bastamalarǧa toqtaldy. Baǧdarlamada elımızdegı orman alqaptaryn 14,5 million gektarǧa deiın ūlǧaitu, sondai-aq jaŋartylatyn jäne taza energiia közderınıŋ ülesın 2030 jylǧa qarai kemınde 15 paiyzǧa, 2050 jylǧa qarai 50 paiyzǧa jetkızu josparlanǧan.
İnjenerlık infraqūrylymdy jaŋǧyrtuǧa qatysty kandidat Iýliia Kuchinskaianyŋ aitary bar. Onyŋ sözınşe, baǧdarlamada joldar, jylu jäne su jelılerı siiaqty maŋyzdy infraqūrylymdardy jaŋartu boiynşa naqty mındetter qarastyrylǧan.
«Elımız boiynşa 86 myŋ şaqyrym injenerlık jelı salynyp, qaita jaŋǧyrtylady. Būl olardyŋ ortaşa tozu deŋgeiın qauıpsız dep sanalatyn 40 paiyzǧa deiın tömendetuge mümkındık beredı. Sonymen qatar 2029 jylǧa deiın respublikalyq maŋyzy bar 10 myŋ şaqyrym jol jöndelıp, jergılıktı jäne audandyq joldardyŋ normativtık talapqa sai ülesı 95 paiyzǧa deiın jetkızıledı», – dedı Iýliia Kuchinskaia.
Kezdesude önerkäsıp, turizm jäne sifrlyq ekonomika salalaryndaǧy kadr tapşylyǧy mäselesı de söz boldy. Qūryltai deputattyǧyna kandidat Şolpan Karinova bılım beru men jastardy jūmyspen qamtu baǧytyndaǧy josparlardy tanystyrdy.
«Ädılet» partiiasynyŋ sailaualdy baǧdarlamasynda balabaqşalarda 79 myŋnan astam jaŋa oryn aşu, al mektepterde 300 myŋ oquşyǧa arnalǧan jaŋa oryn paidalanuǧa beru közdelgen. Kolledjderde jastar ekınşı jūmysşy mamandyǧyn tegın meŋgere alady. Jyl saiyn şamamen 40 myŋ jas jūmyspen qamtu baǧdarlamasyna qatysady», – dedı ol.
Jiyndy qorytyndylaǧan respublikalyq sailaualdy ştab ökılderı öŋırlerdegı kezdesuler barysynda azamattardyŋ Memleket basşysy qolǧa alǧan reformalar men konstitusiialyq özgerısterdı qoldaityny baiqalǧanyn aitty. Sondai-aq auyl şaruaşylyǧyn damytuǧa qatysty partiianyŋ bastamalaryna toqtaldy.
«Bügınde öŋırlerdı damytu Memleket basşysynyŋ nazarynda. Bızdıŋ mındetımız – är öŋırdıŋ erekşelıgın eskere otyryp, olardyŋ damuyn qamtamasyz etu, jergılıktı jerlerdıŋ ökılettıgın keŋeitu jäne adamnyŋ qai jerde tūratynyna qaramastan laiyqty ömır süruıne jaǧdai jasau. Oblys ortalyqtaryna öŋırlerdıŋ derbes ekonomikalyq, bılım beru jäne äleumettık ortalyqtary retınde basym qoldau körsetıledı. Fermerler üşın jeŋıldetılgen qarjylandyruǧa, al qaita öŋdeu käsıporyndary üşın zamanaui agrotehnologiialar men veterinarlyq qyzmetterge qoljetımdılık keŋeitıledı. Būl qosylǧan qūny joǧary auyl şaruaşylyǧy önımderın köbırek öndıruge, jaŋa käsıporyndar aşuǧa jäne öŋırlerde jūmys oryndaryn qūruǧa mümkındık beredı», – dedı ştab müşelerı.
Kezdesu soŋynda tūrǧyndardan tüsken ūsynystardyŋ barlyǧy partiianyŋ «Quatty öŋırler – quatty el» baǧyty boiynşa aldaǧy jūmysyna engızıletını aityldy.
«Bız öŋırlerge daiyn jauaptarmen kelmeimız. Tyŋdap, estıp jäne bırge şeşım ızdeu üşın kelemız. Bügın aitylǧan barlyq ūsynys pen eskertu – aldaǧy jūmysymyzdyŋ basty baǧdary», – dep tüiındedı Aibek Dädebai.
Aita keteiık, respublikalyq sailaualdy ştab ökılderı osy apta boiy elımızdıŋ türlı öŋırlerınde sailauşylarmen kezdesuler ötkızude. Būǧan deiın olar Türkıstan, Maŋǧystau, Atyrau, Qaraǧandy jäne Ūlytau oblystarynda boldy.
Daiyndaǧan:
«Ädılet» partiiasynyŋ baspasöz qyzmetı. «Ädılet» partiiasy» QB sailau qorynyŋ qarajaty esebınen tölendı.
Tapsyrys beruşı: N.T. Myŋjasarov.
