Bırı taŋǧy jügıruge şyqsa, endı bırı qoǧamdyq tyŋdau ötkızıp, auyl-aimaqty aralap jür. Al kei partiialar käsıpkerlerdıŋ mäselelerın talqylap, erekşe qajettılıkterı bar balalardy tärbielep otyrǧan otbasylarmen kezdesude.
«Ädılet» öŋırlık saparyn jalǧastyruda: basty nazarda – auyldy damytu jäne ädılettı qoǧam
«Ädılet» partiiasynyŋ ökılderı «Ädılettı Qazaqstan üşın» mobildı keruenı aiasynda öŋır tūrǧyndarymen kezdesulerın jalǧastyrdy. Būl joly partiia ökılderı Soltüstık Qazaqstan oblysyna baryp, auyl tūrǧyndarymen jüzdesıp, eldı mekenderdegı eŋ özektı mäselelerdı talqylady. Kezdesuler qorytyndysynda tūrǧyndar auyldyq aumaqtardy damytuǧa qatysty 100-ge juyq ūsynys aitty.
Sportşylarmen, eŋbek ūjymdarymen jäne turizm salasynyŋ ökılderımen ötken kezdesulerde parasportşylardy qoldau, balalar jäne būqaralyq sportty damytu, sport nysandaryn salu, auyl jattyqtyruşylaryna grant bölu, sondai-aq ArtSport jäne Damubala baǧdarlamalaryn qarjylandyru mäselelerı köterıldı.
«NOVOPEK» käsıpornynda partiia ökılderı otandyq öndırıstı damytu, käsıpkerlıktı qoldau jäne investisiia tartu josparlaryna toqtaldy. Sondai-aq ekonomikadaǧy orta biznestıŋ ülesın qazırgı 7%-dan 20%-ǧa deiın arttyru közdelıp otyrǧanyn mälımdedı.
Burabai audanynda turizmdı damytu mäselelerı talqylandy. Atap aitqanda, infraqūrylymdy jaŋǧyrtu, balalardyŋ sauyqtyru ortalyqtaryn qoldau, ekoturizm men agroturizmdı örkendetu, otbasylyq qonaqüiler men jergılıktı öndıruşılerge qoldau körsetu jaiy söz boldy. «Taza Qazaqstan» baǧdarlamasy aiasynda tabiǧatty qorǧau mäselesıne de erekşe nazar audaryldy.
Partiia ökılderınıŋ aituynşa, öŋırlık sapar barysynda tūrǧyndardan jinalǧan ūsynystar aldaǧy jūmysta eskerılmek.
Keşke «Ädılet» partiiasynyŋ müşelerı «Jeŋıs» – «Elımai» futbol matchyn tamaşalap, komandalarǧa qoldau bıldırdı. 700-ge juyq belsendı köpşılıkpen bırge futbol merekesınıŋ körıgın qyzdyrdy.
OSDP-nyŋ azamattyq tyŋdauy: TKŞ reformasynan kiberalaiaqtyqpen küreske deiın
OSDP töraǧasy Ashat Rahymjanov bastaǧan partiia ökılderınıŋ kezdesulerı Qaraǧandyda ötken azamattyq tyŋdaudan bastaldy. Is-şaraǧa qala tūrǧyndary, tūrǧyn üi-kommunaldyq şaruaşylyq salasynyŋ, qoǧamdyq ūiymdar men eŋbek ūjymdarynyŋ ökılderı qatysty.
Talqylaudyŋ özegıne qaraǧandylyqtardy kündelıktı tolǧandyratyn mäseleler arqau boldy. Atap aitqanda, kommunaldyq salanyŋ jūmysy, kiberalaiaqtyqtyŋ köbeiuı jäne önerkäsıptık öŋırdegı ekologiialyq ahual söz boldy.
Kandidattar ūsynǧan bastamalardyŋ qatarynda tarifter, kürdelı jöndeu jäne tūrǧyndardyŋ qūqyqtaryn qorǧau mäselelerımen ainalysatyn TKŞ jäne MİB boiynşa jeke palata qūru bar. Sonymen qatar internet-alaiaqtyqpen küres şaralaryn küşeitu jäne aua men sudyŋ jai-küiı turaly mälımetterge aşyq qoljetımdılıktı qamtamasyz etu ūsynyldy.
Partiia ökılderı Qaraǧandy tūrǧyndarymen de kezdesıp, laiyqty eŋbek jaǧdaiy, qala infraqūrylymyn damytu, qoǧamdyq keŋıstıkterdı abattandyru jäne halyqtyŋ ömır süru sapasyn arttyru mäselelerın talqylady.
«Baitaq» partiiasy ekologiialyq baǧytty jalǧastyruda
«Baitaq» jasyldar partiiasy ekologiialyq bastamalaryn ılgerıletudı jalǧastyryp, sailaualdy nauqanyn taŋǧy marafonnan bastady.
Partiia ūiymdastyrǧan marafonnyŋ alǧaşqy aialdamasy Aral boldy. Ekologiialyq qozǧalys belsendılerı tabiǧat aldyndaǧy jauapkerşılıktı basty ūstanym retınde alǧa tartyp otyr.
Kelesı qadam – «Biık maqsat – myqty komanda» atty aksiianyŋ bastaluy. Qūryltai deputattyǧyna kandidat Ūlan Mūsaev pen onyŋ pıkırlesterı taza Qazaqstan jolyndaǧy ortaq maqsat töŋıregınde bas qosty.
Ügıt-nasihat kezeŋınde «Baitaq» partiiasy taza aua men sudyŋ maŋyzyn, sondai-aq adam densaulyǧyna qolaily qorşaǧan ortany saqtaudy nasihattauǧa basymdyq berıp otyr.
Qazaqstan Halyq partiiasynyŋ basymdyqtary
Qazaqstan Halyq partiiasynyŋ ökılderı spina bifida diagnozy bar balalardy tärbielep otyrǧan otbasylardyŋ mäselelerıne nazar audardy. Kandidattar Bolat Smaǧūlov, İlias Bolatovich jäne Viktor Podnebesnyi «Spina Bifida» qoǧamdyq qorynyŋ ökılderımen kezdestı.
Ata-analar kündelıktı kezdesetın qiyndyqtary turaly aityp berdı. Olardyŋ qatarynda medisinalyq kömek pen oŋaltu qyzmetterın alu, qajettı tehnikalyq qūraldarmen qamtamasyz etılu jäne äleumettık qoldauǧa qol jetkızu mäselelerı bar.
Kezdesu barysynda taraptar balalar men olardyŋ otbasylarynyŋ ömır süru sapasyn jaqsartuǧa mümkındık beretın jüielı şeşımderdı talqylady.
Fermerler, jastar jäne qymyz: «Auyl» partiiasy auyl tūrǧyndaryn nesımen taŋǧaldyrdy?
«Auyl» partiiasy auyl tūrǧyndarymen tıkelei dialogty jalǧastyruda. Būl joly partiia töraǧasy Qalijan Aituǧanov Qūryltai deputattyǧyna kandidattarmen bırge Aqmola oblysyndaǧy Ülgı auylynyŋ tūrǧyndarymen kezdestı.
Partiia ökılderı sailaualdy baǧdarlamasyn tanystyryp, fermerlerdı qoldauǧa, agroönerkäsıp keşenın damytuǧa, zamanaui tehnologiialardy engızuge jäne jastar üşın jaŋa mümkındıkter jasauǧa basymdyq berdı.
Sondai-aq jeke qosalqy şaruaşylyqtardy damytuǧa jäne auyldyq otbasylardyŋ tabysyn arttyruǧa baǧyttalǧan «Qūs: auladan dastarqanǧa deiın» jobasyna erekşe nazar audaryldy.
Öz kezegınde auyl tūrǧyndary joldardy jöndeu, äleumettık infraqūrylymdy damytu, memlekettık qoldau jäne jūmyspen qamtu mäselelerın köterdı.
«Aq jol» sailaualdy nauqanyn podkast, veloşeru jäne sailauşylarmen kezdesuler arqyly jalǧastyruda
«Aq jol» demokratiialyq partiiasy sailaualdy jūmysyn bırden bırneşe formatta jalǧastyryp jatyr. Partiia Qūryltai deputattyǧyna kandidattardyŋ qatysuymen ötetın podkasttar seriiasyn jariialady. Alǧaşqy qonaq – Iýrii Li. Ol qarjylyq qauıpsızdık, mikrokreditteu jäne alaiaqtyqpen küres mäselelerın talqylaidy.
Sonymen qatar dene şynyqtyru pänınıŋ mūǧalımı A. Aibolatovtyŋ veloşeruı jalǧasuda. Batys Qazaqstan oblysynyŋ tumasy ärı «Aq joldy» qoldauşy azamat tūrǧyndardyŋ amanat-tılekterın arqalap, Astanaǧa bet alǧan. Qazır ol Aqtöbe oblysynyŋ Qobda audanyna jettı.
Al partiia atynan Qūryltai deputattyǧyna kandidat Andrei Linnik Almatydan Jambyl oblysynyŋ Merkı auylyna velosipedpen jolǧa şyqty. Onda ol sailaualdy ştabtyŋ sailauşylarmen kezdesulerıne qatysady.
Maŋǧystau oblysyndaǧy partiianyŋ sailaualdy ştaby da erekşe aksiia ūiymdastyrdy. Ştab ökılderı Qazaqstannyŋ Memlekettık tuy men «Aq jol» partiiasynyŋ tuyn köterıp, aşyq teŋızge şyqty. Partiia būl bastamany alǧa nyq qadam basudyŋ, käsıpkerlıktı qoldaudyŋ, ädılettı ekonomika qūrudyŋ jäne el üşın jaŋa mümkındıkterge jol aşudyŋ simvoly dep atady.
Sonymen bırge Qostanai men Kökşetauda sailauşylarmen kezdesuler ötıp, partiia ökılderı tūrǧyndardy sailaualdy baǧdarlamasynyŋ negızgı baǧyttarymen tanystyrdy.
Respublica käsıpkerlermen kezdesude tört kündık jūmys aptasyna qatysty ūsynysty synǧa aldy
Respublica partiiasy saiasi qarsylastarynyŋ bastamalaryna qatysty ūstanymyn aşyq bıldırudı jalǧastyruda. Būl joly OSDP-nyŋ tört kündık jūmys aptasyna köşu turaly ūsynysy synǧa ılıktı.
Almatyda käsıpkerlermen ötken biznes-kezdesude Respublica partiiasynan Qūryltai deputattyǧyna kandidat Maqsat Kikimov mūndai bastama jūmys beruşıler üşın tuyndaityn ekonomikalyq saldardy eskermeitının mälımdedı.
Onyŋ aituynşa, jūmys uaqyty qysqarǧan jaǧdaida jalaqyny būrynǧy deŋgeide saqtau ūsynylyp otyr, alaida biznestıŋ qosymşa şyǧyndaryn kım jäne qalai öteitını tüsındırılmegen.
Kezdesu käsıpkerlermen aşyq dialog formatynda öttı. Jiyn barysynda biznestı damytu mäselelerımen qatar, käsıpkerlerdıŋ jūmysyna kedergı keltıretın qoldanystaǧy tosqauyldar da talqylandy.
