«حالىقارالىق باعدارلامالار ورتالىعى» اق شەتەل ازاماتتارى مەن قازاقستان ازاماتتىعى جوق قازاق ۇلتىنىڭ وكىلدەرىنە ارنالعان مەملەكەتتىك ستيپەنديالىق باعدارلاما بويىنشا كونكۋرستىق ىرىكتەۋدى اياقتادى، دەپ حابارلايدى "ادىرنا".
ورتالىقتىڭ مالىمەتىنشە، 2026–2027 وقۋ جىلىنا ارنالعان كونكۋرس قورىتىندىسى بويىنشا 550 شەتەلدىك تالاپكەرگە ءبىلىم گرانتى تاعايىندالدى.
«قازاقستاننىڭ جوعارى وقۋ ورىندارىندا ءبىلىم الۋعا مۇمكىندىك بەرەتىن مەملەكەتتىك ستيپەنديا يەگەرلەرىنىڭ نەگىزگى ءتىزىمى بەكىتىلدى»، – دەلىنگەن 31 شىلدەدە جاريالانعان رەسمي حابارلامادا.
ستيپەنديا يەگەرلەرىنىڭ نەگىزگى تىزىمىمەن ورتالىق جاريالاعان رەسمي قۇجات ارقىلى تانىسۋعا بولادى.
ايتا كەتەيىك، بۇعان دەيىن قازاقستاندىق عالىمداردىڭ رەسەيدەگى جەتەكشى جوعارى وقۋ ورىندارىنىڭ ءبىرىنىڭ زەرتحانالارىن عىلىمي زەرتتەۋلەر جۇرگىزۋ ءۇشىن پايدالانا الاتىنى تۋرالى حابارلانعان بولاتىن.
