رەسەي مەن قازاقستاننان قاتار زەينەتاقى الىپ كەلگەن ايەل جاۋاپقا تارتىلدى

2712
Adyrna.kz Telegram

2021 جىلدىڭ 23 شىلدەسىندە قوستاناي وبلىسى ۇزىنكول اۋداندىق سوتىندا «قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتىنىڭ قوستاناي وبلىسى بويىنشا دەپارتامەنتى» رمم-ءنىڭ ۆ. ەسىمدى ازاماتشاعا قاتىستى تالاپ ارزى بويىنشا ارتىق الىنعان زەينەتاقى تولەمدەرىن ءوندىرىپ الۋ تۋرالى ازاماتتىق ءىس قارالدى، دەپ حابارلايدى «ادىرنا» ۇلتتىق پورتالى azattyq-ruhy سايتىنا سىلتەمە جاساپ.

جاۋاپكەردە رف ازاماتتىعىنىڭ تولقۇجاتى بولعان، الايدا قۇزىرەتتى ورگاندارعا قر ازاماتتىعىنان شىعۋ تۋرالى وتىنىشپەن جۇگىنبەگەن.

وسىلايشا ول 1998 جىلدان باستاپ رف-دا جاسىنا بايلانىستى ساقتاندىرۋ زەينەتاقىسىن الۋشى بولدى، كەيىننەن 2006 جىلى ول قر زەينەتاقى تولەۋ جونىندەگى مەملەكەتتىك ورتالىعىنا جاسىنا بايلانىستى زەينەتاقى تاعايىنداۋ تۋرالى وتىنىشپەن جۇگىنىپ، قر ازاماتىنىڭ جەكە كۋالىگىن كورسەتتى، بۇل رەتتە رەسەي فەدەراتسياسىنىڭ ازاماتتىعىندا بولۋ فاكتىسىن جاسىردى.

جاۋاپكەردىڭ قازاقستان رەسپۋبليكاسىنان جانە رەسەي فەدەراتسياسىنان ءبىر مەزگىلدە زەينەتاقى الۋ فاكتىسىنىڭ انىقتالۋىنا بايلانىستى دەپارتامەنتتىڭ 2020 جىلعى 01 شىلدەدەگى شەشىمىمەن وعان زەينەتاقى تولەۋ توقتاتىلدى.

قر پاسپورتى مەن جەكە كۋالىگىن پايدالانعانى ءۇشىن ۆ-نى اعىمداعى جىلدىڭ شىلدەسىندە ۇزىنكول اۋدانى ءىىب كوشى-قون قىزمەتى قر اقبتك-ءنىڭ 496-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتتى.

28.06.2006 ج. باستاپ 30.04.2020 ج. ارالىعىنداعى كەزەڭدە ۆ. 9 401 727 تەڭگە مولشەرىندە زاڭسىز زەينەتاقى تولەمدەرىن العان.

«قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتىنىڭ قوستاناي وبلىسى بويىنشا دەپارتامەنتى» رمم-ءنىڭ تالاپ-ارىزىن سوت قاناعاتتاندىرىپ، ۆ-دان رەسپۋبليكالىق بيۋدجەتتىڭ كىرىسىنە جاسىنا بايلانىستى زاڭسىز الىنعان زەينەتاقى تولەمدەرىنىڭ جانە مەملەكەتتىك بازالىق زەينەتاقى تولەمىنىڭ سوماسىن - 9 401 727 تەڭگە مولشەرىندە ءوندىرىپ الىندى.

شەشىم زاڭدى كۇشىنە ەنگەن جوق.

"ادىرنا" ۇلتتىق پورتالى

پىكىرلەر