اقتوبە قالاسىندا وبلىستىق «نۇر عاسىر» ورتالىق مەشىتىندە 15 جاستاعى وقۋشىنى ۇرىپ-سوققان 38 جاستاعى ەر ادامعا قاتىستى سوت ۇكىمى شىقتى، دەپ حابارلايدى "ادىرنا" ۇلتتىق پورتالى.
سوت ونى 1 جىل 6 اي مەرزىمگە باس بوستاندىعىنان ايىرۋ جازاسىنا كەستى.
ءىس ماتەريالدارىنا سايكەس، وقيعا 2026 جىلدىڭ اقپان ايىندا رامازان ايىندا كەشكى نامازدان كەيىن بولعان. ءۇش ءجاسوسپىرىم مەشىتتەن شىعاردا اياق كيىمدەرىن الىپ جاتقان كەزدە ولاردىڭ ءبىرى ەر ادامنىڭ اياق كيىمىن قولىنا الىپ، دوستارىنا ۇقساس اياق كيىم كيگەنىن ايتقان. مۇنى بايقاعان اياق كيىم يەسى جاسوسپىرىمگە كۇش قولدانىپ، سوققىعا جىققان. وقيعا سالدارىنان 15 جاستاعى وقۋشى دەنە جاراقاتىن الىپ، ميى شايقالعان.
ەر ادامعا قازاقستان رەسپۋبليكاسى قىلمىستىق كودەكسىنىڭ دەنساۋلىققا قاساقانا ورتاشا اۋىرلىقتاعى زيان كەلتىرۋ جانە بۇزاقىلىق باپتارى بويىنشا ايىپ تاعىلدى. سوت وتىرىسىندا ايىپتالۋشى جابىرلەنۋشىدەن كەشىرىم سۇراپ، وتباسىنىڭ جالعىز اسىراۋشىسى ەكەنىن ايتىپ، ءوزىن باس بوستاندىعىنان ايىرماۋدى وتىنگەن. الايدا سوت ونى ورتاشا قاۋىپسىزدىك قىلمىستىق-اتقارۋ جۇيەسى مەكەمەسىندە 1 جىل 6 اي مەرزىمگە باس بوستاندىعىنان ايىرۋ تۋرالى ۇكىم شىعاردى.
