Aqtöbe qalasynda oblystyq «Nūr Ǧasyr» ortalyq meşıtınde 15 jastaǧy oquşyny ūryp-soqqan 38 jastaǧy er adamǧa qatysty sot ükımı şyqty, dep habarlaidy "Adyrna" ūlttyq portaly.
Sot ony 1 jyl 6 ai merzımge bas bostandyǧynan aiyru jazasyna kestı.
Is materialdaryna säikes, oqiǧa 2026 jyldyŋ aqpan aiynda Ramazan aiynda keşkı namazdan keiın bolǧan. Üş jasöspırım meşıtten şyǧarda aiaq kiımderın alyp jatqan kezde olardyŋ bırı er adamnyŋ aiaq kiımın qolyna alyp, dostaryna ūqsas aiaq kiım kigenın aitqan. Mūny baiqaǧan aiaq kiım iesı jasöspırımge küş qoldanyp, soqqyǧa jyqqan. Oqiǧa saldarynan 15 jastaǧy oquşy dene jaraqatyn alyp, miy şaiqalǧan.
Er adamǧa Qazaqstan Respublikasy Qylmystyq kodeksınıŋ densaulyqqa qasaqana ortaşa auyrlyqtaǧy ziian keltıru jäne būzaqylyq baptary boiynşa aiyp taǧyldy. Sot otyrysynda aiyptaluşy jäbırlenuşıden keşırım sūrap, otbasynyŋ jalǧyz asyrauşysy ekenın aityp, özın bas bostandyǧynan aiyrmaudy ötıngen. Alaida sot ony ortaşa qauıpsızdık qylmystyq-atqaru jüiesı mekemesınde 1 jyl 6 ai merzımge bas bostandyǧynan aiyru turaly ükım şyǧardy.
