Aqtöbe oblysynda jattyqtyruşylar men oquşylar mıngen avtokölık jol apatyna ūşyrap, bır bala köz jūmdy. Būl turaly Rolisia.kz habarlady, dep jazady "Adyrna" ūlttyq portaly.
2022 jylǧy 17 jeltoqsanda Aqtöbe-Bolgarka-Şūbarqūdyq tasjolynyŋ 68 km. Temır audanynyŋ 32 jastaǧy tūrǧyny basqarǧan «Toyota Estima» avtokölıgı audaryldy. Avtokölık ışınde 11 adam, onyŋ ışınde 2010-2011 jyldary tuǧan 9 bala boldy. Olar Şūbarqūdyq auylynan Aqtöbe qalasyna voleiboldan jarysqa qatysu üşın şyqqan. Apat saldarynan bır bala jol-kölık oqiǧasy bolǧan jerde köz jūmdy, qalǧan 8 bala Aqtöbe qalasyndaǧy Oblystyq balalar auruhanasyna jetkızıldı. Qaiǧyly jaǧdaiǧa bailanysty oblys äkımdıgı tüsınıkteme berdı."Bügın Aqtöbe oblysynda oryn alǧan qaiǧyly jaǧdaidy tüsındırgım keledı. Eŋ aldymen, qaitys bolǧan balanyŋ ata-anasy men jaqyndaryna köŋıl aitamyn. Jol apatynda taǧy 8 bala zardap şektı. Olarǧa barlyq qajettı medisinalyq kömek körsetıledı. Qazırgı uaqytta osy oqiǧa boiynşa tergeu jürgızılude. Is - oblys äkımı Eraly Toǧjanovtyŋ qataŋ baqylauynda. Psihologtar zardap şekkender jäne olardyŋ tuystarymen mındettı türde jūmys ısteidı. Olarǧa jan-jaqty kömek körsetıledı", - dep jazdy Aqtöbe oblysy äkımı apparaty basşysynyŋ orynbasary – oblys äkımınıŋ baspasöz hatşysy Erjan Baitanaev.
"Adyrna" ūlttyq portaly
Ūqsas jaŋalyqtar
