الەمدەگى ەڭ تانىمال الپينيستەردىڭ ءبىرى، نەپالدىق نيرمال پۋردجا پاكىستانداعى تاۋدا قازا تاپتى، دەپ حابارلايدى "ادىرنا" ءتىلشىسى.
بۇل تۋرالى ونىڭ Elite Exped اگەنتتىگى Instagram پاراقشاسىندا حابارلادى.
ول بيىكتىگى 8047 مەتر بولاتىن بروۋد-پيكتپ بولعان قار كوشكىنى كەزىندە تاۋدا بولعان.
اگەنتتىك تاراتقان مالىمدەمەدە نيرمال پۋردجانىڭ قازاسى ۇلكەن قايعى ەكەنى ايتىلىپ، ونىڭ ميلليونداعان ادامدى باتىلدىعىمەن، قاراپايىمدىلىعىمەن جانە ادام مۇمكىندىگىنىڭ شەكسىز ەكەنىنە دەگەن سەنىمىمەن شابىتتاندىرعانى اتاپ ءوتىلدى.
سونداي-اق Elite Exped ەكسپەديتسيانىڭ باسقا قاتىسۋشىلارىنىڭ دا امان قالماعانىن راستادى. بۇعان دەيىن بروۋد-پيكتە بەيسەنبى كۇنى تۇستە بولعان قار كوشكىنىنەن كەيىن جالپى سانى ون الپينيست ءىز-ءتۇزسىز جوعالعانى حابارلانعان ەدى.
ۇقساس جاڭالىقتار
