ورمۇز بۇعازى ارقىلى كەمەلەر مەن جۇكتەر ءوتىپ جاتىر. بۇل تۋرالى اقش مەملەكەتتىك حاتشىسى ماركو رۋبيو مالىمدەدى، دەپ حابارلايدى «ادىرنا» ءتىلشىسى Reuters-قا سىلتەمە جاساپ.
«بۇعاز ارقىلى كەمەلەر قاتىناپ جاتىر، مۇناي تاسىمالى جالعاسۋدا، سوندىقتان ورمۇز بۇعازى اشىق. دەگەنمەن، قازىرگى ۋاقىتتا يران مەن ومان اراسىندا بۇعاز ارقىلى كوبىرەك كەمەنىڭ قاۋىپسىز ءوتۋىن قىسقا مەرزىمدە قامتاماسىز ەتۋ ماسەلەسى بويىنشا كەلىسسوزدەر ءجۇرىپ جاتىر. بۇل پروتسەسكە ءبىز دە قاتىسىپ وتىرمىز»، — دەدى اقش سىرتقى ساياسي ۆەدومستۆوسىنىڭ باسشىسى.
رۋبيونىڭ ايتۋىنشا، اقش-تىڭ يرانعا قارسى اسكەري ناۋقانىنىڭ باستى ماقساتى — يسلام رەسپۋبليكاسىنىڭ يادرولىق قارۋعا يە مەملەكەتكە اينالۋ نيەتىنىڭ الدىن الۋ.
ماۋسىم ايىندا اقش-تىڭ يرانعا جاساعان جاڭا سوققىلارى اياسىندا قاۋىپسىزدىك ماقساتىندا يران ورمۇز بۇعازىن بارلىق ۇلگىدەگى كەمە ءۇشىن كەزەكتى رەت جاپقان بولاتىن.
