2026 جىلعى 6 تامىزدا «زاڭ مەن ءتارتىپ» قاعيداتىن ىسكە اسىرۋ اياسىندا شىعىس قازاقستان وبلىسىنىڭ پروكۋراتۋراسى جەرگىلىكتى اتقارۋشى ورگاندارمەن بىرلەسىپ بۇقتىرما سۋ قويماسىنىڭ جاعالاۋىندا كەشەندى پروفيلاكتيكالىق رەيد وتكىزدى.
ءىس-شارانىڭ نەگىزگى ماقساتى – قوعامدىق ءتارتىپتى قامتاماسىز ەتۋ، قۇقىق بۇزۋشىلىقتاردىڭ الدىن الۋ جانە سۋ ايدىندارىندا دەمالۋشىلاردىڭ قاۋىپسىزدىگىن ارتتىرۋ.
رەيد بارىسىندا دەمالۋشىلارمەن سۋدا ءوزىن-ءوزى ۇستاۋ قاعيدالارىن قاتاڭ ساقتاۋ، كامەلەتكە تولماعان بالالاردى ەرەسەكتەردىڭ قاراۋىنسىز قالدىرماۋ، سونداي-اق شاعىن كولەمدى كەمەلەردى قاۋىپسىز پايدالانۋ تالاپتارىن ساقتاۋ جونىندە پروفيلاكتيكالىق ءتۇسىندىرۋ جۇمىستارى جۇرگىزىلدى.
سونىمەن قاتار، ازاماتتارعا شاعىن كولەمدى كەمەلەردى پايدالانۋ قاعيدالارىن بۇزعانى ءۇشىن اكىمشىلىك جاۋاپتىلىق كوزدەلگەنى ءتۇسىندىرىلدى. وتكىزىلگەن ءىس-شارالاردىڭ ناتيجەسىندە قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 582-بابىنىڭ 2-بولىگى بويىنشا 3 ازامات اكىمشىلىك جاۋاپتىلىققا تارتىلدى.
وڭىردەگى سۋ ايدىندارىندا قۇقىق بۇزۋشىلىقتاردىڭ الدىن الۋ جانە ازاماتتاردىڭ قاۋىپسىزدىگىن قامتاماسىز ەتۋ پروكۋراتۋرا ورگاندارى مەن ۋاكىلەتتى مەملەكەتتىك ورگانداردىڭ تۇراقتى باقىلاۋىندا.
بىرلەسكەن پروفيلاكتيكالىق رەيدتىك ءىس-شارالار الداعى ۋاقىتتا دا جالعاساتىن بولادى.
