تۇركياداعى ۇشاق اپاتىندا جاراقاتتانعانداردىڭ اراسىندا ەكى قازاقستاندىق زارداپ بار،-دەپ حابارلايدى Tengrinews.kz سىرتقى ىستەر مينيسترلىگىنە سىلتەمە جاساي وتىرىپ.
قازاقستاننىڭ ستامبۋلداعى باس كونسۋلدىعىنىڭ اقپاراتى بويىنشا، 2020 جىلعى 5 اقپاندا جەرگىلىكتى ۋاقىت بويىنشا ساعات 18:00-دە ستامبۋل اۋەجايىنا ۇشاقتى قاتتى قوندىرۋ كەزىندە قازاقستاننىڭ ەكى ازاماتى زارداپ شەكتى. ولار فاتيح سۇلتان مەحمەت كلينيكاسىنا جاتقىزىلدى.
"باسكونسۋل جاعدايدى باقىلاۋعا الىپ، وتانداستارىمىزعا كومەك كورسەتۋ جونىندە شارالار قابىلدايدى", - دەلىنگەن حابارلامادا.
ەستەرىڭىزگە سالا كەتەيىك، يزمير - ستامبۋل رەيسىنە باعىت العان ۇشاق قۇلادى. سوڭعى مالىمەتتەر بويىنشا، ءۇش ادام قازا تاۋىپ، 179 ادام جاراقات الدى.
ۇقساس جاڭالىقتار
