ۇلىتاۋ وبلىسىنىڭ اكىمى ەسەت بايكەن جۇمىس ساپارى بارىسىندا «جەزقازعان – قاراعاندى» رەسپۋبليكالىق ماڭىزى بار اۆتوموبيل جولىندا جۇرگىزىلىپ جاتقان جوندەۋ جۇمىستارىمەن تانىستى.
ءوڭىر باسشىسى اۆتوجولدىڭ 448–583, 583–683 جانە 683–783 شاقىرىم ارالىعىنداعى ۋچاسكەلەرىن ارالاپ، اتقارىلىپ جاتقان جۇمىستاردىڭ قارقىنى مەن ساپاسىن باقىلادى. كەزدەسۋلەر بارىسىندا نەگىزگى نازار قۇرىلىس قارقىنىن باسەڭدەتپەۋ جانە جۇمىستاردىڭ ۇزدىكسىز جۇرگىزىلۋىنە قاجەتتى جاعداي جاساۋ ماسەلەلەرىنە اۋدارىلدى. اتاپ ايتقاندا، وبلىستىڭ جەرگىلىكتى اتقارۋشى ورگاندارى تاراپىنان شەشىلۋى ءتيىس ماسەلەلەر – شەتەلدىك جۇمىس كۇشىنە كۆوتا ءبولۋ، جەر قاتىناستارىنا بايلانىستى راسىمدەردى جەدەلدەتۋ جانە باسقا دا ۇيىمداستىرۋشىلىق ماسەلەلەر تالقىلاندى.
ساپار بارىسىندا وبلىس اكىمى اۋىل شارۋاشىلىعى سالاسىنداعى بىرقاتار نىساندى دا ارالادى. اقتۇبەك اۋىلدىق وكرۋگىندەگى «ميراس»، سونداي-اق «ULYTAU MEAT» جانە «ULYTAU SHEEP» اۋىل شارۋاشىلىعى وندىرىستىك كووپەراتيۆتەرىنە قاراستى «ەدىگە» جانە ء«نۇرالى»، «باحىت» شارۋا قوجالىقتارىنىڭ جۇمىسىمەن تانىستى. شارۋالارمەن كەزدەسىپ، سالاداعى وزەكتى ماسەلەلەر مەن اۋىل شارۋاشىلىعىن ودان ءارى دامىتۋ باعىتتارىن تالقىلادى.
قىزىلجار كەنتىندە ەسەت بايكەن سارىسۋ وزەنى ارقىلى سالىنىپ جاتقان كىرەبەرىس كوپىردىڭ قۇرىلىس بارىسىن تەكسەردى. سونىمەن قاتار قىزىلجار جالپى ءبىلىم بەرەتىن مەكتەبى مەن فەلدشەرلىك-اكۋشەرلىك پۋنكتتىڭ قازىرگى جاعدايىمەن تانىستى.
مەكتەپتە ءوڭىر باسشىسى جەرگىلىكتى زيالى قاۋىم وكىلدەرىمەن كەزدەسىپ، ەلدى مەكەندى دامىتۋعا قاتىستى ۇسىنىس-پىكىرلەرىن تىڭدادى.
جۇمىس ساپارىنىڭ قورىتىندىسى بويىنشا وبلىس اكىمى جاۋاپتى باسقارمالار مەن اۋدان اكىمدىگىنە جول جانە الەۋمەتتىك ينفراقۇرىلىم نىساندارىنداعى جۇمىستاردىڭ ساپاسىن قامتاماسىز ەتۋ، اۋىل تۇرعىندارىن تولعاندىراتىن ماسەلەلەردى كەزەڭ-كەزەڭىمەن شەشۋ جانە اۋىل شارۋاشىلىعىن دامىتۋعا قولداۋ كورسەتۋ جونىندە بىرقاتار تاپسىرما بەردى.
