الماتىدا اباي كۇنىنە وراي «نۇرلى اقىل - رازۋم ي زنانيا» ۆيكتوريناسى اياسىندا «ABAI LIVE: 45 ءسوز - 45 وي» ءىس-شاراسى ءوتتى. كەزدەسۋ «تولىق ادام» جوباسىن ىسكە اسىرۋ اياسىندا ۇيىمداستىرىلىپ، ۇلى قازاق ويشىلىنىڭ ادەبي، فيلوسوفيالىق جانە مۋزىكالىق مۇراسىن جاستار اراسىندا ناسيحاتتاۋعا باعىتتالدى.
ءىس-شاراعا ەتنومادەني بىرلەستىكتەردىڭ وكىلدەرى، جاستار جانە قالا تۇرعىندارى قاتىستى. قاتىسۋشىلار ابايدىڭ شىعارماشىلىق جانە فيلوسوفيالىق مۇراسىنىڭ قازىرگى قوعامداعى ماڭىزىن، سونداي-اق ونىڭ ادامگەرشىلىك جانە رۋحاني قۇندىلىقتارىنىڭ جاس ۇرپاق ءۇشىن وزەكتىلىگىن تالقىلادى.
باعدارلاما اياسىندا ابايدىڭ شىعارماشىلىعى مەن فيلوسوفيالىق كوزقاراستارىنا ارنالعان زياتكەرلىك ۆيكتورينا ءوتتى. قاتىسۋشىلار ويشىلدىڭ ءومىرى مەن مۇراسى تۋرالى بىلىمدەرىن كورسەتىپ، ونىڭ «قارا سوزدەرىنىڭ» مازمۇنى مەن ماڭىزىن تالقىلادى. سونىمەن قاتار جاستار ابايعا ارنالعان اۆتورلىق حاتتارىن وقىپ، شىعارماشىلىق قويىلىمدار ۇسىنىپ، اقىننىڭ مۋزىكالىق شىعارمالارىن ورىندادى.
ابايدىڭ 45 «قارا سوزىندە» كوتەرىلگەن ءبىلىم مەن ەڭبەك، ادىلەت پەن جاۋاپكەرشىلىك، ادامگەرشىلىك، وتانعا دەگەن سۇيىسپەنشىلىك جانە تۇلعالىق دامۋ ماسەلەلەرىنە ەرەكشە نازار اۋدارىلدى. قاتىسۋشىلار اباي يدەيالارىنىڭ قازىرگى قوعام ءۇشىن دە وزەكتىلىگىن اتاپ ءوتىپ، ونىڭ مۇراسى جاۋاپتى ءارى ءبىلىمدى تۇلعانى قالىپتاستىرۋعا ىقپال ەتەتىنىن ايتتى.
ەتنومادەني بىرلەستىكتەر وكىلدەرىنىڭ قاتىسۋى ابايدىڭ رۋحاني مۇراسىنىڭ جالپىۇلتتىق ماڭىزىن ايقىندادى. گۋمانيزم، اعارتۋشىلىق، بىرلىك جانە ادامگەرشىلىك قۇندىلىقتارعا نەگىزدەلگەن اباي شىعارماشىلىعى قازاقستاننىڭ مادەني مۇراسىنىڭ ماڭىزدى بولىگى بولىپ تابىلادى جانە ءتۇرلى ەتنوس وكىلدەرىن ورتاق قۇندىلىقتار توڭىرەگىنە بىرىكتىرەدى.
كەزدەسۋ اباي مۇراسىن جاستار اراسىندا ناسيحاتتاۋعا، ۇلتتىق مادەنيەتكە قىزىعۋشىلىقتى ارتتىرۋعا جانە ورتاق رۋحاني ءارى ادامگەرشىلىك قۇندىلىقتار نەگىزىندە قوعامدىق كەلىسىمدى نىعايتۋعا باعىتتالعان جۇمىستاردىڭ ءبىرى بولدى.
ءىس-شارانى الماتى قالاسى ىشكى ساياسات باسقارماسىنىڭ قوعامدىق دامۋ ورتالىعى مەن «اقپاراتتىق-رەسۋرستىق ورتالىق» قوعامدىق قورى مەدەۋ اۋدانىنىڭ جاستار كوميۋنيتي-ورتالىعىمەن بىرلەسىپ ۇيىمداستىردى.
