Almatyda Abai künıne orai «Nūrly aqyl - Razum i znaniia» viktorinasy aiasynda «ABAI LIVE: 45 SÖZ - 45 OI» ıs-şarasy öttı. Kezdesu «Tolyq adam» jobasyn ıske asyru aiasynda ūiymdastyrylyp, ūly qazaq oişylynyŋ ädebi, filosofiialyq jäne muzykalyq mūrasyn jastar arasynda nasihattauǧa baǧyttaldy.
Is-şaraǧa etnomädeni bırlestıkterdıŋ ökılderı, jastar jäne qala tūrǧyndary qatysty. Qatysuşylar Abaidyŋ şyǧarmaşylyq jäne filosofiialyq mūrasynyŋ qazırgı qoǧamdaǧy maŋyzyn, sondai-aq onyŋ adamgerşılık jäne ruhani qūndylyqtarynyŋ jas ūrpaq üşın özektılıgın talqylady.
Baǧdarlama aiasynda Abaidyŋ şyǧarmaşylyǧy men filosofiialyq közqarastaryna arnalǧan ziiatkerlık viktorina öttı. Qatysuşylar oişyldyŋ ömırı men mūrasy turaly bılımderın körsetıp, onyŋ «Qara sözderınıŋ» mazmūny men maŋyzyn talqylady. Sonymen qatar jastar Abaiǧa arnalǧan avtorlyq hattaryn oqyp, şyǧarmaşylyq qoiylymdar ūsynyp, aqynnyŋ muzykalyq şyǧarmalaryn oryndady.
Abaidyŋ 45 «Qara sözınde» köterılgen bılım men eŋbek, ädılet pen jauapkerşılık, adamgerşılık, Otanǧa degen süiıspenşılık jäne tūlǧalyq damu mäselelerıne erekşe nazar audaryldy. Qatysuşylar Abai ideialarynyŋ qazırgı qoǧam üşın de özektılıgın atap ötıp, onyŋ mūrasy jauapty ärı bılımdı tūlǧany qalyptastyruǧa yqpal etetının aitty.
Etnomädeni bırlestıkter ökılderınıŋ qatysuy Abaidyŋ ruhani mūrasynyŋ jalpyūlttyq maŋyzyn aiqyndady. Gumanizm, aǧartuşylyq, bırlık jäne adamgerşılık qūndylyqtarǧa negızdelgen Abai şyǧarmaşylyǧy Qazaqstannyŋ mädeni mūrasynyŋ maŋyzdy bölıgı bolyp tabylady jäne türlı etnos ökılderın ortaq qūndylyqtar töŋıregıne bırıktıredı.
Kezdesu Abai mūrasyn jastar arasynda nasihattauǧa, ūlttyq mädenietke qyzyǧuşylyqty arttyruǧa jäne ortaq ruhani ärı adamgerşılık qūndylyqtar negızınde qoǧamdyq kelısımdı nyǧaituǧa baǧyttalǧan jūmystardyŋ bırı boldy.
Is-şarany Almaty qalasy Işkı saiasat basqarmasynyŋ Qoǧamdyq damu ortalyǧy men «Aqparattyq-resurstyq ortalyq» qoǧamdyq qory Medeu audanynyŋ Jastar komiuniti-ortalyǧymen bırlesıp ūiymdastyrdy.
