يران پرەزيدەنتى ماسۋد پەزەشكياننىڭ ۇلى ءارى مەديا-كەڭەسشىسى يۋسيف پەزەشكياننىڭ تەبريز قالاسىندا وتكەن كەزدەسۋدە ازەربايجان تىلىندە سويلەگەن ءسوزى الەۋمەتتىك جەلىلەردە قىزۋ تالقىلانىپ جاتىر، دەپ حابارلايدى «ادىرنا» ءتىلشىسى.
TodayPress TV مالىمەتىنشە، يۋسيف پەزەشكيان شىعىس ازەربايجان پروۆينتسياسىنىڭ جاۋاپتى تۇلعالارىمەن وتكەن كەزدەسۋدە ازەربايجانشا سويلەگەن.
ول ءوز سوزىندە ۇكىمەت جۇمىسىنا قاتىستى ايتىلىپ جاتقان سىن-پىكىرلەرگە توقتالىپ، تەك سىنايتىنداردى عانا ەمەس، ۇكىمەت قىزمەتىنە ناقتى ۇلەس قوسا الاتىن ادامداردى دا العا شىعارۋدىڭ ماڭىزدىلىعىن اتاپ وتكەن.
يۋسيف پەزەشكياننىڭ ازەربايجان ءتىلىن قولدانۋى الەۋمەتتىك جەلى قولدانۋشىلارىنىڭ ءبىر بولىگىنىڭ سىنىنا ۇشىرادى. ولار ونىڭ مەديا-كەڭەسشى قىزمەتىنە قانداي نەگىزدە تاعايىندالعانىن جانە رەسمي شارادا نەگە ەلدىڭ مەملەكەتتىك تىلىنەن وزگە ءتىل قولدانىلعانىن سۇراققا الدى.
ال باسقا قولدانۋشىلار وڭىرلىك كەزدەسۋلەردە جەرگىلىكتى حالىقتىڭ ءتىلىن قولدانۋدى قالىپتى جاعداي دەپ باعالاپ، يۋسيف پەزەشكيانعا باعىتتالعان سىنعا قارسىلىق بىلدىرگەن.
