قازاقستاندىق سپورتشى، پاۋەرليفتينگتەن الەم چەمپيونى گۋزال ەرگەشەۆا 8 تامىز كۇنى انگليادا ومىردەن وزدى. قارالى حاباردى تەلەجۇرگىزۋشى ادەل ورازالينوۆا (ادەل سميت) جەتكىزدى، دەپ حابارلايدى «ادىرنا» ءتىلشىسى.
ايتۋىنشا، ولار 30 جىلعا جۋىق ۋاقىت بويى جاقىن دوس بولعان.
«ول جۇرەگى ماحابباتقا تولى، سۇيىكتى، جارقىن، العا قويعان جوسپارى كوپ جانە دوستىققا ادال جان ەدى»، – دەپ جازدى ورازالينوۆا.
تەلەجۇرگىزۋشىنىڭ سوزىنشە، سپورتشىنىڭ جاعدايى تۇندە، ۇيىقتاپ جاتقان كەزدە كۇرت ناشارلاعان.
قازىر گۋزال ەرگەشەۆانىڭ وتباسى سپورتشىنىڭ ءمايىتىن ۇلىبريتانيادان قازاقستانعا جەتكىزۋ ماسەلەسىمەن اينالىسىپ جاتىر. ادەل ورازالينوۆا وقىرمانداردان ۇلىبريتانيادان ءمايىتتى ەلگە قايتارۋ ءراسىمى جونىندە اقپاراتپەن ءبولىسۋدى جانە قازاقستان كونسۋلدىعى وكىلدەرىمەن بايلانىس ورناتۋعا كومەكتەسۋدى سۇرادى.
ەسكە سالايىق، گۋزال ەرگەشەۆا 2017 جىلى كانادادا وتكەن بويى الاسا ادامدار اراسىنداعى الەم چەمپيوناتىندا التىن مەدال العان ەدى.
