Qazaqstandyq sportşy, pauerliftingten älem chempiony Guzal Ergeşeva 8 tamyz künı Angliiada ömırden ozdy. Qaraly habardy telejürgızuşı Adel Orazalinova (Adel Smit) jetkızdı, dep habarlaidy «Adyrna» tılşısı.
Aituynşa, olar 30 jylǧa juyq uaqyt boiy jaqyn dos bolǧan.
«Ol jüregı mahabbatqa toly, süiıktı, jarqyn, alǧa qoiǧan jospary köp jäne dostyqqa adal jan edı», – dep jazdy Orazalinova.
Telejürgızuşınıŋ sözınşe, sportşynyŋ jaǧdaiy tünde, ūiyqtap jatqan kezde kürt naşarlaǧan.
Qazır Guzal Ergeşevanyŋ otbasy sportşynyŋ mäiıtın Ūlybritaniiadan Qazaqstanǧa jetkızu mäselesımen ainalysyp jatyr. Adel Orazalinova oqyrmandardan Ūlybritaniiadan mäiıttı elge qaitaru räsımı jönınde aqparatpen bölısudı jäne Qazaqstan konsuldyǧy ökılderımen bailanys ornatuǧa kömektesudı sūrady.
Eske salaiyq, Guzal Ergeşeva 2017 jyly Kanadada ötken boiy alasa adamdar arasyndaǧy älem chempionatynda altyn medal alǧan edı.
