اتىراۋ وبلىسىندا ەر ادامنىڭ پويىز استىنا ءتۇسىپ، كوز جۇمۋىنا بايلانىستى سوتقا دەيىنگى تەرگەۋ باستالدى. قازىر پوليتسيا قايعىلى وقيعانىڭ ناقتى سەبەپتەرى مەن ءمان-جايىن انىقتاپ جاتىر، دەپ حابارلايدى "ادىرنا".
كولىكتەگى پوليتسيا دەپارتامەنتىنىڭ مالىمەتىنشە، 13 تامىزدا اتىراۋ ستانتسياسىنداعى كولىكتەگى پوليتسيا ءبولىمى تەمىرجول كولىگىنىڭ قوزعالىسى نەمەسە پايدالانۋ قاۋىپسىزدىگى تالاپتارىن بۇزۋ فاكتىسى بويىنشا قىلمىستىق ءىس قوزعاعان. اتالعان جاعداي ابايسىزدا ادام ولىمىنە اكەلىپ سوققان.
«قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ، وقيعانىڭ سەبەپتەرى مەن بارلىق ءمان-جايى انىقتالۋدا»، – دەپ حابارلادى ۆەدومستۆو.
پوليتسيا تەرگەۋگە قاتىستى وزگە اقپاراتتى ازىرگە جاريالاعان جوق. ۆەدومستۆونىڭ تۇسىندىرۋىنشە، بۇل قر قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسىنە بايلانىستى جاريالانبايدى.
