سولتۇستىك قازاقستان وبلىسىنىڭ بىرنەشە اۋدانىندا بۇرشاق جاۋىپ، تۇرعىنداردىڭ جەكە شارۋاشىلىعىنا زالال كەلدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىلەردە تۇرعىندار ەسىل، شال اقىن جانە مامليۋت اۋداندارىندا بۇرشاق جاۋعانىن حابارلادى.
ياۆلەنكا اۋىلىندا بۇرشاق كولەمى كىشىرەك بولعانىمەن، قاتتى جەل مەن جاۋىن-شاشىن سالدارىنان بىرقاتار نىسانعا زاقىم كەلگەن. تۇرعىنداردىڭ ايتۋىنشا، قولايسىز اۋا رايى شامامەن جارتى ساعاتقا سوزىلعان. الدىمەن 15 مينۋت بويى نوسەر جاڭبىر جاۋىپ، كەيىن بۇرشاققا ۇلاسقان. قاتتى جەلدىڭ سالدارىنان كەيبىر ۇيلەردىڭ شارۋاشىلىق قۇرىلىستارىنىڭ شاتىرى ءبۇلىنىپ، قورشاۋلار زاقىمدانعان.
"قازگيدرومەت" ماماندارىنىڭ بولجامىنشا، 16 تامىزدا دا وبلىستىڭ سولتۇستىك، شىعىس جانە وڭتۇستىك اۋداندارىندا قاتتى جاڭبىر، بۇرشاق جانە داۋىل بولۋى ىقتيمال. كەي جەرلەردە جەلدىڭ ەكپىنى سەكۋندىنا 28 مەترگە دەيىن جەتەدى.
