2026–2027 وقۋ جىلىنا ماگيستراتۋراعا مەملەكەتتىك ءبىلىم بەرۋ گرانتتارىن تاعايىنداۋ جونىندەگى رەسپۋبليكالىق كوميسسيانىڭ وتىرىسى ءوتتى، دەپ حابارلايدى “ادىرنا” ءتىلشىسى.
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك الەۋمەتتىك جەلىدەگى پاراقشاسىندا حابارلادى.
كوميسسيا قۇرامىنا مينيسترلىك، مۇددەلى مەملەكەتتىك ورگانداردىڭ، ءبىلىم بەرۋ سالاسىنداعى كاسىپوداقتاردىڭ، «اتامەكەن» ۇلتتىق كاسىپكەرلەر پالاتاسىنىڭ جانە قوعامدىق ۇيىمداردىڭ وكىلدەرى كىردى.
وتىرىستا گرانتقا ۇمىتكەرلەردىڭ وتىنىشتەرى قارالىپ، مەملەكەتتىك ءبىلىم بەرۋ گرانتتارى قولدانىستاعى تالاپتارعا سايكەس كونكۋرستىق نەگىزدە تاعايىندالدى.
بيىل ماگيستراتۋرا گرانتتارىنا قاتىسۋ ءۇشىن شامامەن 23 مىڭ ءوتىنىش قابىلدانعان. بۇل وتكەن جىلمەن سالىستىرعاندا 3 مىڭعا كوپ.
ۇمىتكەرلەر اراسىندا ەڭ جوعارى سۇرانىسقا يە باعىتتار قاتارىندا «پەداگوگيكالىق عىلىمدار»، «اقپاراتتىق-كوممۋنيكاتسيالىق تەحنولوگيالار»، سونداي-اق «ينجەنەرلىك، وڭدەۋ جانە قۇرىلىس سالالارى» بار.
كونكۋرستىق ىرىكتەۋ ناتيجەلەرى 24 تامىز كۇنى ساعات 15:00-دە جاريالانادى.
ماگيستراتۋراعا قابىلداۋ 2026 جىلعى 28 تامىزدى قوسا العاندا جالعاسادى.
