استانا قالاسىنىڭ اكىمى جەڭىس قاسىمبەك قۇرىلتايى دەپۋتاتتارىنىڭ سايلاۋىندا داۋىس بەردى. بۇل تۋرالى ول جەلىدەگى پاراقشاسىندا ايتتى، دەپ حابارلايدى «ادىرنا» ءتىلشىسى.
قالا اكىمى بۇل ناۋقاننىڭ ەلدىڭ قوعامدىق-ساياسي ومىرىندەگى ماڭىزدى وقيعا ەكەنىن اتاپ ءوتتى.
«جاڭا كونستيتۋتسياعا سايكەس، قۇرىلتاي زاڭ شىعارۋ بيلىگىن جۇزەگە اسىراتىن جوعارى وكىلدى ورگانعا اينالادى.
مەملەكەت باسشىسى اتاپ وتكەندەي، «قۇرىلتاي ءارالۋان كوزقاراس پەن ۇلت كەلەشەگى جولىنداعى ۇمتىلىستار توعىساتىن ءبىرتۇتاس الاڭ بولۋعا ءتيىس. وسىلايشا، قۇرىلتاي ەل جاڭعىرۋىنا تىڭ سەرپىن بەرەتىن قۇرىلىمعا اينالماق»،– دەدى ول.
جەڭىس قاسىمبەكتىڭ ايتۋىنشا، سايلاۋ ءار ازاماتقا ءوز ۇستانىمىن ءبىلدىرىپ، ەلدىڭ دامۋ باعىتىن ايقىنداۋعا تىكەلەي قاتىسۋعا مۇمكىندىك بەرەدى.
قالا اكىمىنىڭ مالىمەتىنشە، استانادا داۋىس بەرۋگە بارلىق قاجەتتى جاعداي جاسالعان. قازىرگى ۋاقىتتا سايلاۋ ۋچاسكەلەرى شتاتتىق رەجيمدە جۇمىس ىستەپ تۇر.
