بۇگىن، 3 قىركۇيەكتە العاش رەت قازاق تازىسى مەن توبەتى كۇنى اتاپ وتىلەدى. بۇل تۋرالى ورتالىق كوممۋنيكاتسيالار قىزمەتى جازدى، دەپ حابارلايدى «ادىرنا» ءتىلشىسى.
«بۇل كۇن قازاق حالقىنىڭ تاريحى مەن مادەنيەتىندە ەرەكشە ورىن الاتىن يت تۇقىمى – تازىلاردى ساقتاپ، دامىتۋعا نازار اۋدارۋعا ارنالعان. تازى عاسىرلار بويى اداممەن بىرگە ءومىر ءسۇرىپ كەلەدى. جۇيرىك ءارى ءتوزىمدى تازى ساياتشىلىقتا اڭشىعا سەرىك بولعان. بۇگىندە تازى – قازاقستاننىڭ ۇلتتىق قۇندىلىعى»،– دەلىنگەن حابارلامادا.
ەسكە سالايىق، ۇكىمەت 15 ساۋىردە قاۋلى شىعارىپ، مەرەكەلىك كۇندەردىڭ تىزبەسىن «قازاق تازىسى مەن توبەتى كۇنىمەن» تولىقتىرعان ەدى. قازىرگى تاڭدا ەلىمىزدە 4 مىڭعا جۋىق تازى تۇقىمى رەسمي تىركەلگەن.
فوتو: pixabay.com
ۇقساس جاڭالىقتار
