Bügın, 3 qyrküiekte alǧaş ret qazaq tazysy men töbetı künı atap ötıledı. Būl turaly Ortalyq kommunikasiialar qyzmetı jazdy, dep habarlaidy «Adyrna» tılşısı.
«Būl kün qazaq halqynyŋ tarihy men mädenietınde erekşe oryn alatyn it tūqymy – tazylardy saqtap, damytuǧa nazar audaruǧa arnalǧan. Tazy ǧasyrlar boiy adammen bırge ömır sürıp keledı. Jüirık ärı tözımdı tazy saiatşylyqta aŋşyǧa serık bolǧan. Bügınde tazy – Qazaqstannyŋ ūlttyq qūndylyǧy»,– delıngen habarlamada.
Eske salaiyq, Ükımet 15 säuırde qauly şyǧaryp, merekelık künderdıŋ tızbesın «Qazaq tazysy men töbetı künımen» tolyqtyrǧan edı. Qazırgı taŋda elımızde 4 myŋǧa juyq tazy tūqymy resmi tırkelgen.
Foto: pixabay.com
Ūqsas jaŋalyqtar
