يرانداعى وڭتۇستىك ازەربايجان پروۆينتسياسىنداعى ماكۋ قالاسىنىڭ احات ءبولىمى اتا-اناسىنىڭ تالاپتارى مەن شاعىمدارىنان كەيىن التى جىل وتكەن سوڭ چاگرى ەسىمدى بالاعا جەكە كۋالىك راسىمدەدى، دەپ حابارلايدى "ادىرنا".
چاگرى 2020 جىلعى 26 شىلدەدە دۇنيەگە كەلگەن. الايدا اتا-اناسى قۇجات الۋ ءۇشىن جۇگىنگەن كەزدە ماكۋ قالاسىنىڭ احات ءبولىمى بۇل ەسىمدى «زاڭسىز» دەپ تانىپ، بالاعا جەكە كۋالىك بەرۋدەن باس تارتقان.
2025 جىلعى مامىر-ماۋسىم ايلارىندا ماكۋ قالاسىنىڭ سوتىنىڭ 3-ءبولىمى دە «بۇل ەسىم قوعامدا كەڭ تارالعان ەسىمدەردىڭ قاتارىنا كىرمەيدى» دەگەن نەگىزبەن بالاعا جەكە كۋالىك بەرۋگە قارسى شەشىم شىعارعان.
چاگرىنىڭ اتا-اناسى اكىمشىلىك جانە قۇقىقتىق كۇرەسىن جالعاستىرىپ، جاڭا تالاپ ارىز بەرگەننەن كەيىن عانا بالاسىنىڭ قۇجات الۋ قۇقىعىن قالپىنا كەلتىرە الدى.
ماكۋ قالاسىنىڭ احات ءبولىمى اقىرى 2026 جىلعى 29 شىلدەدە چاگرىعا قۇجات راسىمدەدى. الايدا بۇل قۇجات وعان تۋعان كۇنىنەن باستاپ بەرىلۋى ءتيىس ەدى.
