مەملەكەت باسشىسى قاسىم-جومارت توقاەۆ قازاقستان ۇلتتىق قۇراماسىن VI دۇنيەجۇزىلىك كوشپەندىلەر ويىندارىندا جوعارى ناتيجە كورسەتۋىمەن قۇتتىقتادى. بۇل تۋرالى قازاقستان رەسپۋبليكاسى پرەزيدەنتىنىڭ كەڭەسشىسى – ءباسپاسوز حاتشىسى ايبەك سمادياروۆ مالىمدەدى، دەپ حابارلايدى "ادىرنا".
پرەزيدەنت سپورتشىلاردىڭ ءدۇبىرلى دوداداعى جەتىستىگى تاباندىلىق، تىنىمسىز ەڭبەك جانە مىقتى ەرىك-جىگەردىڭ ناتيجەسى ەكەنىن اتاپ ءوتتى.
"قاسىم-جومارت توقاەۆ جارىستا چەمپيون اتانعان جانە جۇلدەلى ورىندارعا يە بولعان سپورتشىلارعا، باپكەرلەر قۇرامىنا، سونداي-اق ۇلتتىق قۇرامانىڭ دايىندىعىنا ۇلەس قوسقان بارلىق ماماندارعا ريزاشىلىعىن ءبىلدىردى.
مەملەكەت باسشىسىنىڭ ايتۋىنشا، قازاقستاندىق سپورتشىلاردىڭ حالىقارالىق ارەناداعى مۇنداي جەتىستىكتەرى ەلىمىزدىڭ ۇلتتىق سپورت تۇرلەرى دامىعان مەملەكەت رەتىندەگى بەدەلىن ارتتىرا تۇسەدى", دەلىنگەن جازبادا.
پرەزيدەنت سپورتشىلارعا الداعى جارىستاردا دا بيىك بەلەستەردى باعىندىرىپ، قازاقستاننىڭ كوك بايراعىن حالىقارالىق دودالاردا جوعارى كوتەرە بەرۋىنە تىلەكتەستىك ءبىلدىردى.
