پرەزيدەنت قاسىم-جومارت توقاەۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ ءتورت مەڭگەرۋشىسىن تاعايىندادى، دەپ حابارلايدى "ادىرنا" ءتىلشىسى.
مەملەكەت باسشىسىنىڭ وكىمىمەن الەكساندر سۋحانوۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ تالداۋ ءبولىمىنىڭ مەڭگەرۋشىسى بولىپ تاعايىندالدى. ول بۇعان دەيىن اتقارعان قىزمەتىنەن بوساتىلدى.
راسۋل ورازعۇلوۆ قاۋىپسىزدىك كەڭەسى اپپاراتىنىڭ قاۋىپسىزدىكتىڭ وزەكتى ماسەلەلەرى ءبولىمىنىڭ مەڭگەرۋشىسى قىزمەتىنە تاعايىندالدى. ول دا بۇرىنعى لاۋازىمىنان بوساتىلدى.
مارات ايماشەۆ قاۋىپسىزدىك كەڭەسى اپپاراتىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى بولىپ تاعايىندالدى. ول بۇعان دەيىنگى قىزمەتىنەن بوساتىلدى.
ەرلان بايتۇقباەۆ قازاقستان رەسپۋبليكاسى قاۋىپسىزدىك كەڭەسى اپپاراتى حاتشىلىعىنىڭ مەڭگەرۋشىسى قىزمەتىنە تاعايىندالدى.
ايتا كەتەيىك، 11 قىركۇيەكتە قاسىم-جومارت توقاەۆ قاۋىپسىزدىك كەڭەسى مەن ونىڭ اپپاراتى تۋرالى ەرەجەنى بەكىتكەن بولاتىن. سونداي-اق پرەزيدەنت قاۋىپسىزدىك كەڭەسى توراعاسى ورىنباسارىنىڭ وكىلەتتىكتەرىن ايقىندادى.
