«تازا قازاقستان» جالپىۇلتتىق اكتسياسى اياسىندا قاراتال وزەنىنىڭ جاعالاۋىندا «Taza Ozen» ەكولوگيالىق اكتسياسى ۇيىمداستىرىلدى.
ءىس-شارانىڭ نەگىزگى ماقساتى – قوعامدا ەكولوگيالىق مادەنيەتتى قالىپتاستىرۋ، قالدىقتاردى دۇرىس سۇرىپتاۋ مەن كادەگە جاراتۋ مادەنيەتىن دامىتۋ، قورشاعان ورتاعا ۇقىپتى قاراۋدى ناسيحاتتاۋ جانە تۇرعىنداردىڭ تابيعاتتى قورعاۋعا دەگەن جاۋاپكەرشىلىگىن ارتتىرۋ.
اكتسياعا جاستار، ەرىكتىلەر جانە قالا تۇرعىندارى بەلسەندى قاتىسىپ، قاراتال وزەنىنىڭ جاعالاۋىنداعى بەلگىلەنگەن اۋماقتاردى قوقىستان تازارتۋ جۇمىستارىن جۇرگىزدى. قاتىسۋشىلار تابيعي اۋماقتىڭ تازالىعىن ساقتاۋدىڭ ماڭىزدىلىعىنا نازار اۋدارىپ، قورشاعان ورتاعا جاناشىرلىقپەن قاراۋدىڭ ۇلگىسىن كورسەتتى.
تابيعاتتى قورعاۋ – بارشامىزعا ورتاق مىندەت. بۇگىن ءبىز وزەن جاعالاۋىن قوقىستان تازارتىپ قانا قويماي، ەكولوگيالىق مادەنيەتتى قالىپتاستىرۋعا ءوز ۇلەسىمىزدى قوسىپ وتىرمىز. ءار ادام قورشاعان ورتانىڭ تازالىعىنا جاۋاپكەرشىلىكپەن قاراپ، قوقىستى دۇرىس سۇرىپتاۋدى كۇندەلىكتى ادەتكە اينالدىرسا، تابيعاتىمىز دا تازا بولادى دەپ ويلايمىن، - دەدى «قازاقستان ستۋدەنتتەرىنىڭ اليانسى» جەتىسۋ وبلىسى بويىنشا ومبۋدسمەنى ا. قىزايباي.
ءىس-شارا بارىسىندا قاتىسۋشىلارعا قالدىقتاردى سۇرىپتاۋ، قايتا وڭدەۋ جانە دۇرىس كادەگە جاراتۋ جونىندە اقپارات بەرىلىپ، تابيعي رەسۋرستاردى ۇقىپتى پايدالانۋ قاجەتتىگى ءتۇسىندىرىلدى.
اكتسيانىڭ قورىتىندى بولىمىندە ەكولوگيالىق باعىتتاعى كۆەست ۇيىمداستىرىلدى. قاتىسۋشىلاردان قۇرالعان كوماندالار قورشاعان ورتانى قورعاۋ، تابيعي رەسۋرستاردى ءتيىمدى پايدالانۋ جانە قالدىقتاردى سۇرىپتاۋ تاقىرىپتارىنداعى تاپسىرمالاردى ورىندادى. ناتيجەسىندە ۇزدىك كوماندالار انىقتالىپ، جەڭىمپازدار مەن بەلسەندى قاتىسۋشىلار ديپلومدارمەن، العىس حاتتارمەن جانە ارنايى سىيلىقتارمەن ماراپاتتالدى.
اكتسيا بارىسىندا «تازا جەتىسۋ – تازا بولاشاق» قاعيداتى كەڭىنەن ناسيحاتتالىپ، جاستاردىڭ، ەرىكتىلەردىڭ جانە قالا تۇرعىندارىنىڭ ەكولوگيالىق بەلسەندىلىگىن ارتتىرۋعا باسىمدىق بەرىلدى.
ءىس-شارا ناتيجەسىندە قاراتال وزەنىنىڭ جاعالاۋىنداعى اۋماق قوقىستان تازارتىلىپ، قاتىسۋشىلارعا تابيعاتتى ايالاۋ مەن قورشاعان ورتانىڭ تازالىعىن ساقتاۋدىڭ ماڭىزدىلىعى ءتۇسىندىرىلدى.
مۇنداي ەكولوگيالىق باستامالار تۇرعىنداردىڭ تابيعاتقا دەگەن جاۋاپكەرشىلىگىن ارتتىرىپ، ەكولوگيالىق مادەنيەتتى قالىپتاستىرۋعا جانە قورشاعان ورتانى قورعاۋ ىسىنە قوعامنىڭ بەلسەندى قاتىسۋىنا ىقپال ەتەدى.
