«استانا ارەنادا» وتكەن قازاقستان مەن بەلگيا قۇرامالارىنىڭ ويىنىنان كەيىن كوماندالاردىڭ جانكۇيەرلەرى ستاديون تريبۋنالارىن قوقىستان تازارتىپ كەتتى. بۇل تۋرالى استانا قالاسىنىڭ اكىمدىگى جازدى، دەپ حابارلايدى «ادىرنا» ءتىلشىسى.
«ماتچ اياقتالعاننان كەيىن تريبۋنالاردا جانكۇيەرلەر ەكولوگيالىق اكتسيا ۇيىمداستىرىپ، فۋتبول كەشىن ەرەكشە جاعدايدا اياقتاۋعا اتسالىستى. بۇل باستامانى استانالىقتاردىڭ سۇيىكتى ەكوبەينەسى – تازابەك تە قولدادى. ونىڭ قاتىسۋى جانكۇيەرلەرگە قۋانىش سىيلاپ، تازالىق ءىس-شاراسىن جىلى ءارى دوستىق كۇيگە اينالدىردى»،–دەلىنگەن حابارلامادا.
كورەرمەندەردىڭ كوبى ماتچ اياقتالعان سوڭ تريبۋنالاردا قالعان قوقىستى جيناۋعا اتسالىسىپ، تازالىق مادەنيەتى مەن ورتاق كەڭىستىككە دەگەن قۇرمەت كورسەتكەن.
ەسكە سالايىق، 15 قاراشادا فۋتبولدان الەم چەمپيوناتىنىڭ ىرىكتەۋ تۋرنيرىندەگى كەزەكتى ويىندا قازاقستان قۇراماسى ءوز الاڭىندا بەلگيا ۇلتتىق قۇراماسىن قابىلداپ، 1:1 ەسەبىمەن تەڭ تۇسكەن بولاتىن.
