23 قىركۇيەك كۇنى كەشكە بەرلين-براندەنبۋرگ اۋەجايىنىڭ جۇمىسى ماڭايدان بايقالعان ۇشقىشسىز ۇشۋ اپپاراتىنا بايلانىستى ۋاقىتشا توقتاتىلعان، دەپ حابارلايدى «ادىرنا» ءتىلشىسى DW-گە سىلتەمە جاساپ.
درون جەرگىلىكتى ۋاقىت بويىنشا شامامەن ساعات 20:00-دە بايقالعان. وسىدان كەيىن گەرمانيانىڭ اۋە قوزعالىسىن باسقارۋ قىزمەتى (DFS) الدىمەن سولتۇستىك ۇشۋ-قونۋ جولاعىن، كەيىن وڭتۇستىك جولاعىن جاپقان. شەكتەۋلەر ءبىر ساعاتتان كەيىن الىنعان.
بەرلين-براندەنبۋرگ اۋەجايى –گەرمانياداعى دروندار ەڭ ءجيى تىركەلەتىن اۋەجاي. 2026 جىلدىڭ العاشقى التى ايىندا ديسپەتچەرلىك قىزمەت مۇندا 28 دروندى تىركەگەن. ونىڭ جەتەۋىندە اۋەجاي ۇشاقتاردى قابىلداۋ مەن ۇشىرۋدى ۋاقىتشا توقتاتۋعا ءماجبۇر بولعان. ال 2025 جىلى اۋەجاي ماڭىنان سەگىز درون انىقتالعان.
ۇقساس جاڭالىقتار
