ماڭعىستاۋ وبلىسىندا اسكەري قىزمەتشىلەردىڭ قازا بولۋىنا بايلانىستى جاعداي ەلدە ۇلكەن ءارى ەموتسيالىق رەاكتسيا تۋدىردى. بۇعان اسكەري بيۋروكراتيانىڭ جاعدايعا دۇرىس ارەكەت ەتە الماۋى دا اسەر ەتتى.
كوپ ۇزاماي ءتۇرلى قاۋەسەت، جالعان اقپارات جانە ارانداتۋشىلىق سيپاتتاعى جازبالار تاراي باستادى. وقيعانىڭ ەڭ كۇردەلى وڭىرلەردىڭ بىرىندە بولعانىن دا ەسكەرگەن ءجون.
مۇنداي جاعدايدا بيلىك ماسەلەگە بارىنشا شوعىرلانىپ، جەدەل ارەكەت ەتە العانىن كورسەتتى.
ءبىر ۋاقىتتا اقپاراتتىق جۇمىس جۇرگىزىلىپ، تەرگەۋ باستالدى جانە الەۋمەتتىك-ساياسي شارالار قولعا الىندى.
العاشقى دۇربەلەڭنەن كەيىن اقپاراتتى جاريالاۋ مەن باقىلاۋدىڭ ناقتى ءتارتىبى بەلگىلەندى. جالعان اقپاراتتى جەدەل انىقتاپ، جوققا شىعارۋ جۇمىسى جۇرگىزىلدى.
ۇكىمەتتىك كوميسسيا قۇرىلىپ، وعان ۇكىمەتتىڭ بەدەلدى مۇشەسى باسشىلىق ەتتى.
زارداپ شەككەن وتباسىلارعا كومەك كورسەتۋ ءۇشىن قاراجات جيناۋ جۇمىسى دا ورتالىقتاندىرىلدى. بۇل رەتتە ءوزىن جارنامالاۋعا باسىمدىق بەرىلگەن جوق.
ەڭ الدىمەن، پرەزيدەنتتىڭ ءرولىن اتاپ وتكەن ءجون. مەملەكەت باسشىسى بۇل جاعدايدا قاجەت نارسەنى جاساپ، ايتۋى ءتيىس ءسوزدى ايتتى. ول تەك كوڭىل ايتىپ، كىنالىلەردى جازالاۋ جانە مۇنداي جاعدايعا قايتا جول بەرمەۋ تۋرالى ۋادە بەرىپ قانا قويعان جوق. پرەزيدەنت مەملەكەتتىڭ جاۋاپكەرشىلىگىن ناقتى كورسەتتى.
سونىمەن قاتار بۇرىن ءبارى قالىپتى كورىنگەن جۇيەنى جان-جاقتى تەكسەرۋ جانە ونى تۇبەگەيلى رەفورمالاۋ قاجەتتىگىن ايتتى. ونىڭ ۇستىنە كەيبىر وزگەرىستەردىڭ الدىن الا دايىندالىپ جاتقانىن دا كورسەتتى.
توقاەۆتى بۇل جاعدايدا ناعىز باسشىنىڭ ارەكەتىن جاسادى دەۋگە بولادى. ول پوپۋليزمگە سالىنباي، جاۋاپكەرشىلىكتى باسقاعا اۋدارمادى. كومەك كورسەتۋ قاجەت بولسا – كومەك كورسەتۋدى، كىنالىلەردى جازالاۋ كەرەك بولسا – جازالاۋدى ايتتى. سونىمەن بىرگە ماسەلەنىڭ ءمانىن تۇسىنەتىنىن، مۇنداي جاعدايدىڭ بولاشاقتا قايتالانباۋى ءۇشىن نە ىستەۋ كەرەكتىگىن بىلەتىنىن جانە بۇل باعىتتا جۇمىس ىستەۋگە دايىن ەكەنىن كورسەتتى.
قوعام دا بۇل ۇستانىمدى بىردەن ءتۇسىنىپ، استانانىڭ جالپى ارەكەتىن جانە پرەزيدەنتتىڭ شەشىمدەرىن وڭ قابىلدادى. ادامدار مۇنداي جاعدايدا ەڭ ماڭىزدى نارسەنى – ماسەلەنى ءتۇسىنۋ مەن بولاشاققا ناقتى جوسپار بار ەكەنىن كوردى.
