پاكىستاننىڭ سولتۇستىك-باتىسىنداعى پەشاۆار قالاسىندا جەكەمەنشىك مەكتەپتىڭ شاتىرى وپىرىلدى، دەپ حابارلايدى “ادىرنا” ءتىلشىسى.
سالدارىنان كەمىندە 34 وقۋشى مەن ءبىر مۇعالىم قازا تاپتى.
Euronews دەرەگىنشە، وقيعا سالدارىنان 50-دەن استام ادام زارداپ شەكتى. ءۇش بالانىڭ جاعدايى اۋىر. قازا تاپقانداردىڭ اراسىندا 12 قىز بالا بار.
قايعىلى وقيعا 15 قازاندا حايبەر-پاحتۋنحۆا پروۆينتسياسىنىڭ اكىمشىلىك ورتالىعى پەشاۆار قالاسىندا بولعان. مەكتەپتىڭ ەكى قاباتىن باسىپ قالعان شاتىر سىنىپتاعى وقۋشىلاردىڭ ۇستىنە قۇلاعان.
جەرگىلىكتى بيلىكتىڭ مالىمەتىنشە، عيماراتتىڭ شاتىرى ەسكىرگەن ءارى قۇرىلىس جۇمىستارىنا بايلانىستى شامادان تىس جۇكتەمە تۇسكەن بولۋى مۇمكىن. مەكتەپ يەسى قاماۋعا الىنىپ، وقيعانىڭ ءمان-جايىن انىقتاۋ ءۇشىن تەرگەۋ باستالدى.
ۇقساس جاڭالىقتار
