شىعىس قازاقستان وبلىسىنىڭ ريددەر قالاسىندا پوليتسيا قىزمەتكەرلەرى سانيتارلىق جاعدايى تالاپقا ساي كەلمەيتىن ۇيدە تۇرعان ءتورت بالانى انىقتادى، دەپ حابارلايدى "ادىرنا" ۇلتتىق پورتالى.
بالالاردىڭ ۇشەۋى بەيىمدەۋ ورتالىعىنا، ال ەڭ كىشىسى اۋرۋحاناعا جەتكىزىلدى.
جەرگىلىكتى پد مالىمەتىنشە، وقيعا ورنىنا كورشىلەردىڭ شاعىمىنان كەيىن قۇقىق قورعاۋ ورگاندارى مەن قورعانشىلىق قىزمەتىنىڭ وكىلدەرى بارعان. تەكسەرۋ بارىسىندا ۇيدە ازىق-تۇلىك پەن اۋىزسۋ بولماعانى، سانيتارلىق جاعدايدىڭ وتە ناشار ەكەنى انىقتالعان.
ءۇيدىڭ ءىشى ۇزاق ۋاقىت بويى تازالانباعان. قابىرعالارى مەن توبەسىندە كوگەرگەن ىزدەر بولعان، بولمەلەردە تاراقاندار جۇرگەن.
«قاۋىپسىز ءۇي» جەدەل-پروفيلاكتيكالىق ءىس-شاراسى اياسىندا ريددەر قالاسىنىڭ پوليتسياسى، پروباتسيا قىزمەتى جانە قورعانشىلىق ورگاندارىنىڭ قىزمەتكەرلەرى قاۋىپتى جاعدايدا ءومىر سۇرگەن وتباسىن انىقتادى. ءۇيدىڭ ىشىندە ازىق-تۇلىك پەن سۋ بولماعان، سانيتارلىق جاعدايى وتە ناشار بولعان. وتباسىندا 2020–2025 جىلدار ارالىعىندا تۋعان ءتورت كامەلەتكە تولماعان بالا تۇرعان»، – دەلىنگەن پوليتسيا حابارلاماسىندا.
تەكسەرۋ ناتيجەسىندە بالالاردىڭ قاۋىپسىزدىگىن قامتاماسىز ەتۋ ماقساتىندا ولاردىڭ ۇشەۋى بەيىمدەۋ ورتالىعىنا، ال ەڭ كىشىسى مەديتسينالىق كومەك كورسەتۋ ءۇشىن اۋرۋحاناعا ورنالاستىرىلدى.
قازىر بالالاردىڭ جاعدايىنا قاتىستى وزگە مالىمەتتەر حابارلانعان جوق.
