فوتو: gov.kz
قازاقستان رەسپۋبليكاسىنىڭ قورعانىس ءمينيسترى گەنەرال-مايور ايدوس مىرزاحمەتوۆ ءار جىلدارى اسكەري قىزمەت وتكەرۋ كەزىندە قازا تاپقان جانە اۋىر جاراقات العان اسكەري قىزمەتشىلەردىڭ تۋىستارىنان قۇرالعان باستاماشىل توپپەن كەزدەستى. بۇل تۋرالى قورعانىس مينيسترلىگى حابارلادى، دەپ جازادى "ادىرنا".
ازاماتتاردى قابىلداۋعا باس اسكەري پروكۋرور مەن قر ءىىم ۇلتتىق ۇلانىنىڭ وكىلدەرى دە قاتىستى.
"قورعانىس مينيسترلىگى قازا تاپقان جانە زارداپ شەككەن اسكەري قىزمەتشىلەردىڭ وتباسىنىڭ قايعىسىنا ورتاقتاسىپ، تۋىستارىنىڭ وتىنىشتەرىنە تۇسىنىستىكپەن قارايدى. ءاربىر ءوتىنىش مۇقيات قارالىپ، ناقتى جاۋاپ بەرىلەدى", – دەدى ۆەدومستۆوسىنىڭ باسشىسى.
كەزدەسۋ سوڭىندا مينيستر ءاربىر جاعدايمەن جەكە تانىسىپ، ۇسىنىلعان ماتەريالداردى زەردەلەيتىنىن مالىمدەدى.
ۇقساس جاڭالىقتار
